Рөстәм Хәмитов Геннадий Зюганов менән осрашты

"Башинформ"

2 ноябрҙә Республика Йортонда Башҡортостан Президенты Рөстәм Хәмитов РФ Коммунистар партияһының Үҙәк комитеты рәйесе, Дәүләт Думаһындағы коммунистар фракцияһы лидеры Геннадий Зюганов менән осрашты.

Рөстәм Хәмитов һәм Геннадий Зюганов Рәсәйҙәге сәйәси, иҡтисади һәм социаль хәлдәр торошон тикшерҙе. Башҡортостан Президенты республиканың артабанғы үҫеше перспективалары, субъектта барған үҙгәрештәр тураһында һөйләне.

Рөстәм Хәмитов Башҡортостанда барлыҡ сәйәси партияларға ла ихтирам менән ҡарауҙарын билдәләне. Республика Президенты фекеренсә, барлыҡ бәхәсле мәсьәләләрҙе лә дәлилле диалог барышында кәңәшләшеп хәл итергә мөмкин.

«Башҡортостан бөгөн яңы үҫеш стадияһында, – тине Рөстәм Хәмитов. – Беҙ тиҙ һәм киҫкен үҙгәрештәр тураһында һөйләмәйбеҙ, шулай ҙа, һис шикһеҙ, һеҙҙән өйрәнерлек нәмәләребеҙ бар. Һеҙ ҡыҙыҡлы фекерҙәр әйтәһегеҙ. Һәм ҙур сәйәсмән булараҡ һеҙҙең кәңәштәрегеҙ, алыҫтан күрә белеү һәләтегеҙ ҙә беҙҙең үҫешкә ярҙам итер, моғайын. Беҙ һөҙөмтәлә бер-беребеҙҙе тулыландырабыҙ, ә дөйөм алғанда Рәсәй йәмғиәтен тәшкил итәбеҙ».

Коммунистар лидеры Геннадий Зюганов Башҡортостан Президентына осрашыуҙы ойошторғаны өсөн рәхмәтен белдерҙе.

«Берәүҙе лә «һулдар» һәм «уңдар»ға айырмағанығыҙ, ҡараштарыбыҙҙы иғтибар менән өйрәнгәнегеҙ өсөн рәхмәт, – тине Геннадий Зюганов. – Башҡортостан Рәсәй Федерацияһының иң үҫешкән ун төбәге исемлегендә. Республикала һәр даим тыныслыҡ һәм дуҫлыҡ тантана итте, ә милли-мәҙәни мөнәсәбәттәр башҡалар өсөн өлгө булып тора. Бында һәр ваҡыт эшләй белделәр һәм әле лә эшләйҙәр», — тип һыҙыҡ өҫтөнә алды Геннадий Зюганов, тип хәбәр итә республика башлығының матбуғат хеҙмәте.

#бр президенты осрашыуҙары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.