Суббота, 3 Октября 2026

Уфа

+5 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт

|Последние новости

Төп бит/Сәйәсәт

16:29 (UTC+5), 24 Октября 2011

Рөстәм Хәмитов муниципаль телерадиокомпаниялар журналистары менән осрашты

«Башинформ»

22 октябрҙә Башҡортостан Президенты Рөстәм Хәмитов Республика йортонда төбәктә эшләүсе муниципаль телерадиокомпаниялар журналистары менән осрашты. Республика башлығының матбуғат хеҙмәте хәбәр итеүенсә, муниципаль телерадиокомпаниялар журналистары менән ул тәүгә осраша. Президент һүҙҙәренсә, осрашыу уның башланғысы менән үткәрелгән, муниципаль телерадиокомпаниялар журналистары менән ул үҙе осрашырға теләк белдергән.

Рөстәм Хәмитов республиканың бөгөнгө торошо, Президент булараҡ уға ниндәй мәсьәләләрҙе хәл итергә кәрәклеге хаҡында ентекле һөйләне.

— Тормош асыҡ булырға тейеш, - тине Президент. – Бер ниндәй ҙә йәшерәһе серҙәр юҡ. Бындай осрашыуҙарҙы өгөт-нәсихәт әйтеүгә әйләндерергә теләмәҫ инем. Был дөрөҫ түгел. Һеҙ миңә хәл ителмәгән мәсьәләләр, проблемалар хаҡында һөйләгеҙ. Минең өсөн был бик мөһим. Миңә кире бәйләнеш кәрәк. Шуға күрә көн һайын ябай кешеләр менән осрашырға тырышам. Кисә күп фатирлы йорт советын һайлауҙа булдым. Бик ҡыҙыҡлы аралашыу булды. Кешеләр ҙә ябай, теремек. Бындай осрашыуҙар төрлө форматтарҙа дауам итеп торасаҡ. Һеҙ күреп тораһығыҙ – мин асыҡ булырға тырышам. Шуны уҡ минең менән осрашыусы кешеләрҙән дә талап итәм.

Власть халыҡҡа таянмайынса йәшәй алмай, тине Рөстәм Хәмитов.

— Беҙҙең республика өсөн бөгөн властың яңы сифатҡа күсеүе көнүҙәк мәсьәлә булып тора, уны «халыҡ өсөн эшләү» тип атарға булыр ине, - тип билдәләне Рөстәм Хәмитов. – Һуңғы йылдарҙа халыҡ начальниктарға, радио, телевидение, гәзиттәр аша еткерелгән мәғлүмәттәргә ышанмай башланы. Ҡасандыр үҙ көсөн юғалтҡан «сарафан радиоһы» йәнә әүҙемләште. Имеш-мимеш хәбәрҙәр бөтә йәмғиәттә тарала. Был хәл дөрөҫ түгел.

Халыҡтан алыҫлашҡан власть һөҙөмтәләргә ирешмәй, тип иҫәпләй Рөстәм Хәмитов. Шунлыҡтан иҡтисади үҙгәрештәр ҙә индерә алмай. Йылдамлыҡ юғала. Халыҡҡа кәрәкле нәмәләр – йәшәү сифатын арттырыу, ябай кешенең тормошон яҡшыртыу юғала.

— Кеше бөгөнгөһө менән һәм киләсәккә өмөт итеп йәшәй. Үҙе өсөн булмаһа ла, балалары, ейәндәре өсөн яҡты киләсәк көтә. Был бик мөһим. Халыҡты борсоған мәсьәләләрҙе мөмкин тиклем кәметеү өсөн власть һөҙөмтәле, системалы, асыҡ булырға тейеш. Был осраҡта барыһы ла килеп сығасаҡ. Әлбиттә, халыҡ власть структураларына ярҙам итергә тейеш, - тине Рөстәм Хәмитов.

Осрашыу барышында күп төрлө, Президент әйтеүенсә, «бик ауыр» мәсьәләләр ҡуҙғатылды.

— Был мәсьәләләрҙе берәү ҙә йәшереп ҡалдырырға йыйынмай, - тип белдерҙе осрашыу аҙағында Рөстәм Хәмитов. – Оппозицияның ҡайһы бер өлөшө был проблемаларҙы килтереп сығарыуы менән ғорурланмаһын. Беҙ үҙебеҙ уларҙы ҡуҙғатабыҙ. Беҙ үҙебеҙ улар тураһында асыҡтан-асыҡ һөйләшеү яҡлы. Бындай һөйләшеү мин Президент булған осор дауамында – йылдан ашыу ваҡыт бара инде. Тейешенсә көс һалып, халыҡтың йәшәү сифаты өсөн борсолоп эшләһәң, Башҡортостан Республикаһы Президенты вазифаһы иң ауыры.

1 из 20

#бр президенты

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.