Башҡортостан йәштәре «Политпросвет» турнирына йыйыласаҡ

Башҡортостан йәштәре Өфөлә «Политпросвет» турнирының республика этабына йыйыласаҡ, сараны «Берҙәм Рәсәйҙең Йәш Гвардияһы»ның төбәк бүлексәһе ойоштора.

«Берҙәм Рәсәйҙең Йәш Гвардияһы»ның Башҡортостан төбәк бүлексәһенең матбуғат секретары Полина Вишневская хәбәр итеүенсә, турнирҙа бөтә республиканан уҡыу йорттары командалары ҡатнашасаҡ. «Политпросвет» турниры «Нимә? Ҡайҙа? Ҡасан?» моделе буйынса интеллектуаль уйындар формаһында үтәсәк. Ҡатнашыусыларға Рәсәйҙең һәм Башҡортостандың тарихы һәм сәйәси тормошона бәйле һорауҙар тәҡдим ителәсәк. Турнир һәләтле студенттарҙы асыҡларға һәм йәштәргә ижади һәләттәрен асырға ярҙам итәсәк, тип иҫәпләй ойоштороусылар.