Октябрьский һәм Карамай ҡалалары хеҙмәттәшлек итергә уйлай

Көн элгәре Октябрьский ҡалаһында Башҡортостан Республикаһының Октябрьский ҡалаһы менән Ҡытай Халыҡ Республикаһы Синьцзян-Уйгур автономиялы районының Карамай ҡалаһы араһында дуҫтарса мөнәсәбәттәр булдырыу тураһындағы ниәттәр протоколына ҡул ҡуйылды. Документҡа Октябрьский ҡалаһы ҡала округы хакимиәте башлығы Сергей Молчанов һәм Карамай мэры урынбаҫары Чжао Ушен ҡул ҡуйҙы, тип хәбәр итә Октябрьский ҡалаһы хакимиәтенең мәғлүмәт-аналитика бүлеге.

Был документҡа ҡул ҡуйыу – ике ҡала араһында дуҫтарса һәм ике яҡ өсөн дә файҙалы бәйләнеш булдырыу юлындағы тәүге аҙым. Протокол иҡтисад һәм сауҙа, фән һәм техника, мәҙәниәт һәм мәғариф, спорт һәм һаулыҡ һаҡлау өлкәләрендә үҙ-ара әүҙем эш итеү потенциалын аса, ҡала округтарының төрлө йәшәйеш өлкәләрендә белгестәр менән алмашыу мөмкинлеген бирә.

Октябрьскийға килгән Карамай ҡалаһы делегацияһы составына сәнәғәт компаниялары, ҡала округының төрлө йәшәйеш өлкәләре, Карамай һөнәри техник институты етәкселәре ингән. Ҡытай ҡунаҡтары ҡаланың алдынғы предприятиеларында, һаулыҡ һаҡлау, мәғариф, мәҙәниәт һәм спорт объекттарында булды.

— Сәнәғәт комплексын ғына түгел, мәҙәниәт, спорт һәм мәғарифты үҫтереүгә лә ҙур иғтибар бүлгән матур, таҙа ҡала, - тип билдәләне Карамай делегацияһы ағзалары, Октябрьский тураһында тәьҫораттары менән уртаҡлашып.

#халыҡ-ара бәйләнештәр #урындағы власть

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.