Яр Саллыла БР Президенты ауыл хужалығы техникаһын етештереү буйынса берлектәге предприятиела булды

Башҡортостан Президенты Рөстәм Хәмитов Татарстан башлығы Рөстәм Миңлеханов менән Яр Саллыла төҙөлөш һәм ауыл хужалығы техникаһы етештереү буйынса проект менән танышты. «CNH-КАМАЗ Индустрия» яуаплылығы сикләнгән йәмғиәте берлектәге предприятиеһы «КАМАЗ» асыҡ акционерҙар йәмғиәте һәм Case New Holland компанияһы менән ойошторолған. «CNH-КАМАЗ Индустрия» яуаплылығы сикләнгән йәмғиәте тракторҙар, комбайндар һәм тейәгестәр эшләйәсәк.

Рөстәм Хәмитов етештереү күләмдәре менән ҡыҙыҡһынды. Заводтың проект ҡеүәте – йылына 4 мең техника берәмеге. 2012 йылда бында 935 техника берәмеген эшләп сығарыу планлаштырыла. 2015 йылда проект ҡеүәтенә сығыу күҙҙаллана. Производствоға һалынған инвестицияларҙың дөйөм күләме бөгөнгө көндә 2,4 миллиард һум тәшкил итә.