Миәкә районында Мөхәммәт пәйғәмбәр сәхәбәләренә мемориал ҡуйылды

Тимур Рәхмәтуллин

Миәкә районының Илсеғол ауылы янындағы Нарыҫтау тауында Мөхәммәт пәйғәмбәр сәхәбәләре Зөбәйер бин Зәйет менән Абдрахман ибн Зөбәйергә мемориал ҡуйылды.

Сәхәбәләр исеме яҙылған һәм ярымайлы тирмәнән торған мемориаль комплекс Башҡортостан мосолмандары инициативаһы менән ҡуйылған.

Бында изге әруахтарҙы хөрмәтләп иҫкә алырға Башҡортостандан, Рәсәйҙең башҡа төбәктәренән, Тажикстандан, Үзбәкстан һәм ғәрәп илдәренән меңгә яҡын мосолман килде.

Был ваҡиғаларҙың шаһиты Сәйфулла Әмировтың һөйләүенсә, тантанаға йыйылыусылар аҡһаҡал, Йылайыр районы Ҡаҙырша ауылынан 84 йәшлек имам Нуретдин Игебаевтың, Башҡортостандағы дин әһелдәренең, Рәсәйҙең алдынғы баҫмалары – «Ислам» журналы һәм «Әс-Сәләм» гәзите вәкилдәренең вәғәздәрен тыңлаған.

Дин таратыусылар ил, республика етәкселегенә эштәрендә уңыштар, оҙон ғүмер, һаулыҡ, именлек, сәскә атыуҙарын теләй. Пәйғәмбәр арҡаҙаштарының ҡәберен тәрбиәләп тороуҙары, бында меңәр йыл элек йәшәгән мосолмандар тураһындағы мәғлүмәтте хәҙерге заманға тиклем килтереп еткерә алғандары өсөн яҡын тирәләге ауылдар халҡына айырып рәхмәт әйтә.

Риүәйәттәргә ярашлы, сәхәбәләр Нарыҫтау башында ерләнгән, ә тау итәгенән ағып сыҡҡан шишмә шифалы иҫәпләнә. Борон-борондан бында Урта Азиянан, Ҡаҙағстандан, Кавказдан киләләр, айлап бында йәшәйҙәр, һыу менән дауаланалар.

Мөхәммәт пәйғәмбәрҙең VII быуатта беҙҙең яҡтарға үҙенең арҡаҙаштарын ебәреүе хаҡындағы мәғлүмәтте бихисап билдәле тикшеренеүселәр ҙә раҫлай. Үҙенең хеҙмәттәрендә был хаҡта Ҡазан тарихсыһы Хисаметдин бин Шәрәфетдин һәм башҡорт яҙыусыһы Тажетдин Ялсығолов телгә ала, башҡорттарҙан беренсе булып ислам ҡабул иткән кеше хаҡында мәғлүмәт бирә. Билдәле ислам белгесе Осман Нури Топбаш (Төркиә), Нәҡшбәндиә суфыйсылыҡ тәриҡәте башлығы шейех Мөхәммәт Нәҙим әл-Хаҡҡани (Төньяҡ Кипр) Мөхәммәт пәйғәмбәр менән беҙҙең яҡтарға ебәрелгән өс сәхәбәнең исемен атай, һәм уларҙың ҡайһыларының Нарыҫтауҙа ерләнеүенә аңлатма бирә.

#дин #хәтер

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.