Среда, 13 Мая 2026

Уфа

+12 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Сәйәсәт

05:32 (UTC+5), 16 Июня 2011

Башҡортостан «ГЛОНАСС навигация-мәғлүмәт системалары» менән хеҙмәттәшлек тураһында килешеүгә ҡул ҡуйҙы

Евгений Рәхимҡолов | фото: Андрей Старостин

Башҡортостан навигация эшмәкәрлеге өлкәһендәге «ГЛОНАСС навигация-мәғлүмәт системалары» федераль селтәр операторы менән стратегик хеҙмәттәшлек тураһында килешеү төҙөнө. Республика Президенты Рөстәм Хәмитов алдында килешеүгә Башҡортостан Хөкүмәте Премьер-министры Азамат Илембәтов һәм «Навигация-мәғлүмәт системалары» асыҡ акционерҙар йәмғиәтенең генераль директоры Александр Гурко ҡул ҡуйҙы.

Александр Гурко һүҙҙәренсә, төбәк менән бындай килешеүгә ҡул ҡуйыу компания тарихында беренсе тапҡыр.

— Беҙ, ҡағиҙә булараҡ, бындай ысулды ҡулланмайбыҙ, — тине ул. — Әммә был осраҡта бындай хеҙмәттәшлек ГЛОНАСС технологияларын индереү өсөн үрнәк-күрһәтмә полигонын булдырырға мөмкинлек бирер, артабан был тәжрибәне башҡа төбәктәр ҙә үҙҙәрендә файҙалана алыр, тип ышанабыҙ. Шуға ла Башҡортостанды стратегик партнерыбыҙ итеп ҡабул итәбеҙ.

Рөстәм Хәмитов менән осрашыуҙа «ГЛОНАСС навигация-мәғлүмәт системалары» етәкселеге вәкилдәре йыһан навигация системаларын Башҡортостан территорияһында ҡулланылышҡа индереү юлдарын тикшерҙе. Яңы төҙөлгән килешеү республика һәм төбәк-ара әһәмиәттәге бер нисә эре проектты күҙ уңында тота. Дөйөм файҙаланыуҙағы юлдарҙа 12 тонналыҡ автомобилдәр өсөн түләүле системаны ҡулланыуға индереү, Өфө ҡалаһы өсөн интеллектуаль транспорт системаһын индереү, шулай уҡ Рәсәй юлдарында үлем һәм имгәнеүҙәрҙе кәметеүгә йүнәлтелгән «ЭРА-ГЛОНАСС» кеүек ҙур проектты үҫтереү ҙә улар араһында. Ул автотранспорт сараларын ГЛОНАСС-тың юлдаш навигация-коммуникация ҡоролмалары менән йыһазландырыуҙы күҙ уңында тота. Авария булғанда транспорт сараһы тураһындағы мәғлүмәт, уның теүәл координаталары менән бергә, автоматик рәүештә системаның диспетчер пунктына тапшырыла. Водитель менән бәйләнешкә инеп, аварияның раҫланыуын ишеткәс, диспетчер тейешле хеҙмәттәрҙең эшен ойоштора.

Рөстәм Хәмитов фекеренсә, транспорт өлкәһендә ГЛОНАСС-ты индереү буйынса тәҡдим ителгән проекттарҙан тыш, Башҡортостандың ауыл хужалығында ла навигация юлдаш технологияларын ҡулланыуҙың бик яҡшы перспективалары бар.

— Беҙҙә ауыл хужалығы техникаһы паркы ярайһы ҙур һәм уның байтаҡ өлөшө (80% самаһы) дүрт эре машина-технология станцияларының балансында тора, — тине республика Президенты. — Бында ГЛОНАСС-ты ҡулланыуға индереүҙән ғәйәт ҙур файҙа булыуы ихтимал.

1 из 20

#килешеүҙәр #глонасс #бр хөкүмәтендә

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.