Башҡортостандың торлаҡ-коммуналь хужалығы дат технологиялары буйынса модернизацияланасаҡ

Евгений Рәхимҡолов | фото: Андрей Старостин

Башҡортостанда торлаҡ-коммуналь хужалыҡ системаһына Данияның энергияны һаҡлаусы технологияларын индереү буйынса проекты тормошҡа ашырыласаҡ. Уны ғәмәлгә ашырыу механизмдары Башҡортостан Президенты Рөстәм Хәмитовтың «Данфосс» яуаплылығы сикләнгән йәмғиәте («Данфосс» дат компанияһының Рәсәйҙәге вәкиллеге) генераль директоры Михаил Шапиро һәм «Ренова-СтройГрупп» компанияһы президенты Вениамин Голубицкий менән осрашыуында тикшерелде. Яңы технологиялар төҙөлөш барған, шулай уҡ төҙөлөп бөткән йорттарҙа ла индереләсәк.

— Бындай проект Екатеринбургта күптән тормошҡа ашырыла, — тип хәбәр итте Вениамин Голубицкий. – Беҙ республика етәкселеге менән беҙҙең тәжрибәне Башҡортостанда нисек ҡулланырға мөмкин булыуы хаҡында электән һөйләшеүҙәр алып барҙыҡ.

Михаил Шапиро ағымдағы йылдың ғинуар айында Рөстәм Хәмитов менән осрашҡайны инде. Ул ваҡытта Данияның энергияны һөҙөмтәле файҙаланыу технологияларын республиканың торлаҡ-коммуналь хужалығы өлкәһенә индереү тураһында принципиаль килешеүгә өлгәшелде. Хәҙер был проекттың финанс һәм юридик механизмдарын әҙерләргә, шулай уҡ Өфө территорияһында тәжрибә майҙансығын һайларға ғына кәрәк.

«Данфосс» яуаплылығы сикләнгән йәмғиәте һәм «Ренова-СтройГрупп» тәҡдим иткән технологиялар йылылыҡ энергияһын ҡулланыуҙы көйләү, йылылыҡ менән тәьмин итеү һәм йылылыҡ үткәрмәү системаларын автоматлаштырыу менән бәйләнгән. Былар дөйөм йортҡа һәм һәр фатирға ҡуйылған иҫәп приборҙары, үҙәк йылы биреү пункттары урынына һәр йорт подвалында урынлаштырылған компактлы йылытыу ҡулайламалары һәм башҡалар.

— Беҙҙең технологиялар комплексы йылылыҡ ҡулланыу күләмен кәметеүгә, йылылыҡ энергияһы бүлеү механизмын яҡшыртыуға йүнәлтелә. Бынан тыш, энергияны һаҡлау технологиялары халыҡ өсөн коммуналь хеҙмәттәр хаҡын арзанайтыуға өлгәшеү мөмкинлеген бирәсәк, — тине Михаил Шапиро. – Миҫал өсөн — ошондай уҡ проект ғәмәлгә ашырылған Екатеринбург районы халҡы ҡаланың башҡа халҡы менән сағыштырғанда йылылыҡ өсөн 35-40 процентҡа аҙыраҡ түләй.

1 из 12

#энергияны һаҡсыл файҙаланыу

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.