Сауд Ғәрәбстаны Башҡортостанда нанотехнологиялар үҫешенә биш миллион доллар һаласаҡ

Сауд Ғәрәбстаны Короллеге Башҡортостандың инвестицион климатын өйрәнеүгә һәм нанотехнологияларҙы үҫтереү буйынса компания ойоштороуға биш миллион доллар инвестицияларға әҙер. Йәнә биш миллионды был проектҡа республиканың һалыуы күҙаллана. Башҡортостан Президенты Рөстәм Хәмитов менән осрашыуҙа Сауд Ғәрәбстаны Сауҙа-сәнәғәт палатаһы президенты Салех Абдалла Камель шундай тәҡдимен индерҙе.

Нанотехнологияларҙы үҫтереү буйынса ошондай уҡ берлектәге проект күрше Татарстанда тормошҡа ашырыла башлаған да инде.

— Был компанияның дөйөм балансы — ун миллион доллар, — тине шәйех Салех Абдалла Камель. — Шуларҙың 30 процентын Сауд Ғәрәбстаны инвестицияланы, йәнә 20% — мосолман банкы средстволары, 50% — Татарстандың өлөшө.

Шәйех Салех Абдалла Камелдең билдәләүенсә, Көньяҡ Африка илдәренең береһендә төҙөлгән тағы бер ошондай компания дөйөм алғанда 100 миллион долларға барып баҫҡан. Унда ике миллиард долларлыҡ инвестицион проекттар тормошҡа ашырыла. Әгәр Башҡортостанда бындай компания барлыҡҡа килһә, капитал һалыуҙар хаҡы баштан һалынған средстволарҙан кәм тигәндә 20-25 тапҡырға арттырып ҡапланасаҡ, тигән ышанысын белдерҙе Сауд Ғәрәбстаны Сауҙа-сәнәғәт палатаһы президенты.

Шәйех Салех Абдалла Камель белдереүенсә, Сауд Ғәрәбстаны беҙҙең республикала берлектәге инвестицион проекттарҙы әҙерләү өсөн белгестәрен ебәрергә әҙер.

— Беҙ бик күп инвесторҙар йәлеп итә аласаҡбыҙ, тип ышанам, — тине ул.

1 из 12

#халыҡ-ара бәйләнештәр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.