Башҡортостан ауыл хужалығына ярҙамды арттыра барасаҡ

Башҡортостанда ауыл хужалығына ярҙам арттырыласаҡ. Был хаҡта БР Дәүләт Йыйылышы – Ҡоролтайҙың сираттағы ултырышында сығыш яһағанда республика Президенты Рөстәм Хәмитов белдерҙе.

— Әле ауыл халҡы яғыулыҡ, ашламалар менән тәьмин ителгән, техниканы әүҙем һатып ала, — тине ул. — Башҡортостан Республикаһы Хөкүмәте ауыл хужалығына әүҙем ярҙам итә. Һәм беҙ был ярҙамды арттыра барасаҡбыҙ. Сөнки беҙҙең өсөн ауыл хужалығы төп өҫтөнлөктәрҙең береһе.

Рөстәм Хәмитов «Салауат Юлаев»тың чемпионлығы кеүек Башҡортостан халҡы өсөн ҡыуаныслы ваҡиға тураһында ла телгә алды.

— Был да бөтөн республикабыҙҙың ҡаҙанышы,— тине ул. — Сөнки барыбыҙ ҙа был команданы яратабыҙ, уға уңыштар теләйбеҙ. Рухи яҡтан да, матди йәһәттән дә ярҙам итәбеҙ. Һәм беҙҙең чемпион флагманыбыҙға ярҙам буйынса эштәр дауам ителәсәк, тип уйлайым. Республикабыҙҙың бындай кимәлдәге командаһы мотлаҡ булырға тейеш. Һәм киләсәктә лә чемпиондарыбыҙ булһын өсөн беҙ барыһын да эшләйәсәкбеҙ.

Башҡортостан Президенты һалым керемдәренең төбәктә планлаштырылған күрһәткестәрҙән 15 – 16 процентҡа артығыраҡ булыуын да билдәләп үтте һәм республика бюджетының тулыһынса үтәләсәгенә ышаныс белдерҙе.

Һүҙен тамамлап, Рөстәм Хәмитов депутаттар иғтибарын республикалағы власть һәм йәмғиәттең үҙ-ара мөнәсәбәттәрендәге ыңғай йүнәлешкә йәлеп итте:

— Социаль-сәйәси хәлдәр ҙә арыу беҙҙә. Халыҡ власҡа ышана. Кешеләр власҡа йөҙө менән борола. Беҙ ҙә шулай эшләйбеҙ. Беҙ кешеләр өсөн эшләйбеҙ, уларға йәшәүе әҙ генә еңелерәк булһын өсөн. Көндәлек тырышлыҡ ахырҙа үҙенең һөҙөмтәһен бирәсәк.

#башҡортостан президенты #бр дәүләт йыйылышында

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.