Силәбе өлкәһенең Ҡоншаҡ районында өлкә һабантуйы үткәреләсәк

Михаил Хәбиров, Тимур Рәхмәтуллин

Силәбе өлкәһенең Мәҙәниәт министрлығында Өлкә һабантуйы-2011-ҙең ойоштороу комитеты йыйылышы үтте. Унда милли байрам үткәреләсәк урын һәм уның датаһы билдәләнде. Һабантуй үткәреү көнө итеп – 25 июнь, ә үткәреү урыны итеп Ҡоншаҡ районындағы Сабаҡкүл буйы билдәләнде. Байрамға Башҡортостан Республикаһының Силәбе өлкәһендәге даими вәкиле Мөхәмәтулла Хафизовтың килеүе көтөлә.

Ойоштороу комитеты унда балалар һабантуйын да үткәрергә ҡарар итте, бының өсөн айырым майҙан бүленәсәк.

Ултырыш барышында һабантуйҙа Башҡортостан Республикаһы делегацияһының ҡатнашлығы мәсьәләһе лә күтәрелде. Байрамда билдәле «Каруанһарай» эстрада коллективы сығыш яһаясаҡ, башҡорт сувенирҙары күргәҙмә-йәрминкәһе ойоштороласаҡ.

Традицион спорт төрҙәренән башҡа байрамда көс талап итеүсе экстрим да күрһәтеләсәк. Ярыштар үткәреүҙе Рәсәйҙең иң көслө кешеһе Эльбрус Ниғмәтуллин үҙ өҫтөнә ала.

Өлкә һабантуйы сиктәрендә иң яҡшы башҡорт тирмәһенә конкурс үткәреләсәк. Баһалама ағзалары уның тышҡы биҙәлешен, эске йыһазланышын һәм хужаларҙың ҡунаҡсыллығын баһалаясаҡ. Конкурста өлкәнең йәмәғәт ойошмалары, муниципаль район хакимиәттәре ҡатнашасаҡ.

Һабантуй («Һабан байрамы») – төрки халыҡтарының йылына ике тапҡыр үткәрелеүсе боронғо байрамы. Тәүге һабантуй – яҙғы баҫыу эштәре тамамланыуға, икенсеһе уңыш йыйыуға арналған.

Силәбе өлкәһе халҡы өсөн һабантуй — ул нигеҙҙә ғаилә байрамы. Оло туғандарын һәм балаларын алып, улар бында теүәл бер көнгә киләләр. Тап йәш быуын спорт һәм милли конкурстарҙың төп ҡатнашыусыһына әйләнә: йәштәр майҙанда бил һынаша, арҡан тартыша, көршәк вата.

#рф төбәктәрендә башҡорттар #һабантуй

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.