70.86
0
82.5
0
86
+0.47
5+ °C
Дождь
Бөтә яңылыҡтар
Сәйәсәт
21 Апрель 2011, 18:28

2011 йылдың сентябренә Башҡортостан уҡытыусыларының эш хаҡы 35 процентҡа артасаҡ

2011 йылдың сентябренә республика уҡытыусыларының эш хаҡы 35 процентҡа күтәреләсәк. Был хаҡта Дәүләт Йыйылышы Йортонда республика мәктәптәренең өлкән класс уҡыусылары менән осрашыуҙа Башҡортостандың Дәүләт Йыйылышы – Ҡоролтай рәйесе Константин Толкачев белдерҙе.
Спикерҙың әйтеүенсә, Башҡортостандың закон сығарыусылары мәҙәниәт һәм мәғариф хеҙмәткәрҙәренең үҙ һәләттәрен һәм теләктәрен бойомға ашырыуға тейешле шарттар тыуҙырыу өсөн бар көсөн һала.
— Федераль власть органдары мәктәптәрҙең ремонт, компьютерҙар менән тәьмин итеү, библиотекаларҙы комплектлау кеүек матди-техник базаһы мәсьәләләрен үҙ өҫтөнә ала,— тип билдәләне Константин Толкачев. – Беҙ сарыф ителмәгән аҡсаларҙы уҡытыусыларҙың эш хаҡын арттырыуға йүнәлтәсәкбеҙ. Сентябрҙә уларҙың эш хаҡы 35 процентҡа юғарыраҡ буласаҡ.
Автор:Тимур Рәхмәтуллин