Башҡорт драма театры Төркиәлә халыҡ-ара фестивалдә ҡатнашасаҡ

Әлфиә Әһлиуллина

Мәжит Ғафури исемендәге Башҡорт дәүләт академия драма театрының труппаһы Төркиәгә «Мең һулыш һәм бер тауыш» халыҡ-ара фестиваленә юлланды. Ул 14 -25 апрелдә Конья ҡалаһында дүртенсе тапҡыр үтәсәк.

«Башинформ» агентлығына театрҙың әҙәби мөхәррире Гөлнара Кәримованың хәбәр итеүенсә, Башҡорт драма театры был халыҡ-ара төрки телле фестивалгә икенсе тапҡыр саҡырыла. Тәүге тапҡыр башҡорт артистары фестивалгә «Шәүрәкәй» милли музыкаль комедияһы менән килгәйне.

Был юлы Төркиә тамашасыһына Нәжиб Асанбаевтың «Әхмәтзәки Вәлиди Туған» трилогияһы буйынса әҙерләнгән ошо уҡ исемдәге тарихи драмаһы тәҡдим ителәсәк (режиссеры Айрат Әбүшахманов).

Спектакль ысынбарлыҡтағы тарихи ваҡиғаларға нигеҙләнгән һәм Зәки Вәлидиҙең хәтирәләре формаһында бирелә. Бында тамашасылар алдында бөйөк ғалим тормошоноң иң мөһим осорҙары кәүҙәләндерелә, һәм был ваҡиғаларҙың күбеһе Төркиәлә булып үткән.

«Әхмәтзәки Вәлиди Туған» драмаһы республиканан ситтә бер нисә тапҡыр күрһәтелде һәм, әйтергә кәрәк, был премьералар ярайһы уңышлы үтте. Беренсе тапҡыр ул Истанбулда Төркиәлә Башҡортостан фәндәре һәм мәҙәниәте көндәре сиктәрендә тамашасылар иғтибарына сығарылды. Ул ваҡытта Башҡортостандың халыҡ артисы Хөрмәтулла Үтәшев Ататөрк роле өсөн Исмәт Кюнтай исемендәге премияға лайыҡ булды.

Күптән түгел Башҡорт драма театрының Ҡазандағы гастролдәре лә тап ошо спектакль менән асылғайны.

#театрҙар #фестивалдәр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.