79.17
+0.04
Башҡортостан һәм Өфө яңылыҡтары
90.4
-0.27
66.47
+1.13
11+ °C
Болотло
Бөтә яңылыҡтар
Сәйәсәт
11 Апрель 2011, 16:34
Силәбе өлкәһе «Башҡорттар ҡоролтайы»ның яңы район бүлексәһе асылды
Силәбе өлкәһенең Пласт ҡалаһында Силәбе өлкәһе «Башҡорттар ҡоролтайы» йәмәғәт ойошмаһының район бүлексәһен ойоштороу буйынса конференция үтте.
Пласт районы халҡы «Башҡорттар ҡоролтайы» район бүлексәһенең Башҡарма комитетын һайланы һәм уның эшмәкәрлегенең өҫтөнлөклө йүнәлештәрен билдәләне. Район бүлексәһе рәйесе итеп урта мәктәп уҡытыусыһы Зөлфиә Садыҡова тәғәйенләнде.
— Был районда башҡорттар компактлы йәшәй, - ти Зөлфиә Садыҡова. – Беҙҙең өсөн туған телебеҙҙе һәм халҡыбыҙҙың күп быуатлыҡ мәҙәниәтен һаҡлап ҡалыу үтә мөһим.
Пласт районы хакимиәте башлығы Александр Неклюдов «Башҡорттар ҡоролтайы»ның яңы бүлексәһенә һәр яҡлап ярҙам буласағын белдерҙе.
— Был йүнәлештә беренсе аҙымдар яһалды ла инде, – тип билдәләне район башлығы. – Урындағы мәктәптә башҡорт теле уҡытыусыһы ставкаһы булдырылды.
«Башҡорттар ҡоролтайы» рәйесе урынбаҫары Флүзә Ғайсина ойошма эшмәкәрлеге хаҡында һөйләне һәм дуҫлыҡ, артабанғы хеҙмәттәшлек билдәһе итеп район етәкселегенә бүләктәр тапшырҙы.
Учалы сәнғәт һәм мәҙәниәт училищеһы директоры Дамир Әбүбәкиров башҡорттарҙың мәҙәни мираҫын һаҡлауҙа һәр яҡлап ярҙам күрһәтергә вәғәҙә бирҙе.
Конференция сиктәрендә Учалы сәнғәт һәм мәҙәниәт училищеһы студенттары менән әҙерләнгән концерт үтте. Егеттәр һәм ҡыҙҙар башҡорт халыҡ йырҙарын, бейеүҙәрен башҡарҙы, ҡурайҙа уйнаны.
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».