Башҡортостанда Мордва Республикаһы көндәре башлана

Тимур Рәхмәтуллин

9 марттан 12-һенә тиклем Башҡортостанда Мордва Республикаһы көндәре үтәсәк. Башҡортостанға Хөкүмәт Рәйесенең беренсе урынбаҫары — Мордваның мәҙәниәт министры Петр Тултаев, милли сәйәсәт буйынса министр Александр Лузгин, милли сәйәсәт буйынса министр урынбаҫары Александр Карьгин, Волга буйы фин-уғыр халыҡтары мәҙәниәте үҙәгенең башҡарма директоры Юрий Мишанин, Мордва республика берләштерелгән крайҙы өйрәнеү музейы директоры Павел Калигин, «Якстерь тяштеня» журналының баш мөхәррире Вера Брындина һәм «Чилисема» журналының баш мөхәррире Николай Ишуткиндан торған делегация килә.

Мордва көндәре сиктәрендә Өфөнөң Конгресс-холында «Мордва халҡы мәҙәниәте – күп милләтле Рәсәй байлығы» тип аталған түңәрәк өҫтәл үтәсәк. Шунда уҡ ике республика етәкселеге ҡатнашлығында матбуғат конференцияһы көтөлә.

Мордва делегацияһы Стәрлетамаҡҡа һәм Федоровка районына барасаҡ.

Белешмә өсөн. Башҡортостан Республикаһында 26 меңдән ашыу мордва милләтенән булған кеше йәшәй. Мордвалар башлыса Бәләбәй, Бишбүләк, Дәүләкән, Дыуан, Йәрмәкәй, Ҡырмыҫҡалы, Күгәрсен, Стәрлетамаҡ, Федоровка һәм Шишмә райондарында төпләнгән. Башҡортостандың мордва диаспораһына телен һәм милли мәҙәниәтен һаҡлау өсөн яҡшы нигеҙ булдырылған. Мордва теле республиканың 13 мәктәбендә уҡытыла. Предмет булараҡ мордва телен 442 уҡыусы өйрәнә. Республика мәктәптәрендә йәмғеһе мордва милләтле 2216 уҡыусы белем ала. 11 мордва теле һәм әҙәбиәте кабинеты йыһазландырылған. Стәрлетамаҡ педагогия колледжында буласаҡ башланғыс класс уҡытыусылары һәм мәктәпкәсә белем биреү учреждениелары тәрбиәселәре өсөн мордва төркөмдәре асылған. Үҙешмәкәр сәнғәт үҫешә. 18 мордва ижади коллективтарының дүртеһе «халыҡ» исеменә лайыҡ булған. 2000 йылдан алып база библиотекаһы – Башҡортостандағы мордва халҡын хеҙмәтләндереүсе Федоровка үҙәкләштерелгән китапхана системаһы эшләй.

Николай Герасимов етәкләгән Башҡортостан Республикаһының Мордва милли-мәҙәни автономияһы ла мордваларҙың мәҙәни традицияларын һәм телен һаҡлауҙа ҙур роль уйнай. Бөгөн был ойошма Башҡортостандың бөтөн мордва диаспораһын берләштерә. Уның арҡаһында мордвалар Мордва Республикаһы менән тығыҙ бәйләнештә, милли мәғариф, халыҡ ижады үҫеше мәсьәләләре хәл ителә.

Хөкүмәттәр араһындағы Гуманитар өлкәлә хеҙмәттәшлек тураһында килешеүгә һәм Мордва менән Башҡортостандың Мәҙәниәт министрлыҡтары араһындағы Килешеүгә ҡул ҡуйыу арҡаһында Башҡортостан мордваларының тарихи ватаны менән ныҡлы бәйләнештәре булдырылған.

1 из 6

#милли сәйәсәт #төбәк-ара бәйләнештәр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.