Вторник, 26 Мая 2026

Уфа

+31 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Сәйәсәт

05:00 (UTC+5), 09 Марта 2011

Башҡортостан Президенты Рөстәм Хәмитов Ҡыйғы районының проблемалары менән танышты

Евгений Рәхимҡолов | фото: Р.Хәлиуллин

Башҡортостан Президенты Рөстәм Хәмитов республиканың төньяҡ-көнсығышына эш сәфәре сиктәрендә Ҡыйғы районында булды.

Бында Рөстәм Хәмитов Ҡолмәт ауылының урта мәктәбен ҡараны. 1927 йылда төҙөлгән мәктәп бинаһы ныҡ иҫкергән. Бында 1-9-сы кластарҙа 40 уҡыусы белем ала. Артабан уҡырға теләүселәр күрше Йыланлы ауылына бара. Ҡолмәт мәктәбендә 9 класта бер генә ҡыҙ уҡый.

Мәктәп бинаһын урындағы ҡаҙанлыҡ йылыта, әммә класс бүлмәләре һыуыҡ. Бында спортзал юҡ, шуға ла балалар физкультура дәресен тығыҙ бүлмәлә үткәрә.

Белем йортоноң йәнә бер проблемаһы – матди базаның ярлылығы. Икенсеһе - информатика кабинетында ете генә компьютер Интернетҡа тоташтырылған, ләкин уныһының да тиҙлеге үтә түбән (256 кб/с).

Урындағы халыҡ фекеренсә, иҫке бинаны емереп, уның урынына яңы мәктәп төҙөргә кәрәк.

Ҡолмәт ауылы янында Рөстәм Хәмитов «Төньяҡ-Көнсығыш» яуаплылығы сикләнгән йәмғиәтенең яңы туристик комплекс төҙөлөшөн ҡараны. Бында тау саңғыһы күтәргестәре урынлаштырылған, пейнтбол өсөн арена бар, пони һәм дөйәләрҙә йөрөү өсөн трасса һалынған.

Комплекстың күңел асыу зонаһы төҙөлөшөнә һәм уның янындағы ауыл хужалығы предприятиеһына 70 миллион һум самаһы аҡса һалынған.

Республика башлығы шулай уҡ Ҡыйғы районының үҙәк район дауаханаһында булды. Бында ла үҙ проблемалары. Яңы хирургия комплексы төҙөлөшө 2009 йылда туҡтатылған, сөнки документтар буйынса был бина ҡаралмаған.

Медицина персоналы әйтеүенсә, “Росстройнадзор” төҙөлөш сифатына дәғүәләр белдереү арҡаһында был объектты рәсмиләштерергә рөхсәт бирмәй. Хирургия комплексында лифттарҙы ебәреү мөмкинлеге юҡ. 2009 йылдан алып электр селтәренә тоташтырылмағанлыҡтан, рентгенология бүлексәһе эшләмәй.

1 из 18

#бр президентының эш сәфәрҙәре

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.