Соно Алиева: «Башҡортостан халҡы башҡа мәҙәниәт вәкилдәренә ихтирам менән ҡарай»

Башҡортостанда йәшәгән ҡырғыҙҙар БР Президенты Рөстәм Хәмитовтың 2011 йылды республикала Милләт-ара татыулыҡты нығытыу йылы тип иғлан итеү тураһындағы Указын хуплай, тине Башҡортостан Республикаһындағы «Ала-Тоо» ҡырғыҙ мәҙәниәт үҙәге рәйесе Соно Алиева.

— Милләт-ара татыулыҡты нығытыу йылын иғлан итеү көнүҙәк, — тип билдәләй Соно Алиева. – Айырыуса ул һуңғы арала беҙҙең илдә барған ваҡиғалар фонында бик урынлы. Күптән түгел Мәскәүҙә, Санкт-Петербургта һәм Төньяҡ Кавказда булып үткән ваҡиғаларҙы барыбыҙ ҙа хәтерләйбеҙ. Милләт-ара дошманлыҡ фонында Башҡортостанда бындай ыҙғыштар булманы, ә республика Президентының инициативаһы, минең ҡарашҡа, кешеләр дуҫлығының нығыныуына булышлыҡ итәсәк. Беҙ, милли-мәҙәни беркмәләр етәкселәре, бергәләп байрамдар, фестивалдәр һәм башҡа саралар үткәрәбеҙ, республика халҡы араһында эш алып барабыҙ. Төбәктә оҙаҡ йылдар бергә йәшәү барышында кешеләр бер-береһен аңларға өйрәнде. Башҡортостан халҡы икенсе мәҙәниәт вәкилдәренә ихтирам менән ҡарай.