Күрше төбәктәрҙең башҡорттар Ҡоролтайҙары етәкселәре менән осрашыу үтте

Марина Шумилова

Өфөлә, Бөтөн донъя башҡорттары ҡоролтайы Башҡарма комитетында Силәбе, Ырымбур өлкәләре, Татарстан Республикаһының башҡорттар йәмәғәт ойошмалары етәкселәре менән осрашыу үткәрелде. Уны Башҡортостан Республикаһынан ситтә йәшәгән ватандаштар менән эшләү комиссияһы ойошторҙо. Осрашыуҙа Силәбе өлкәһенең Башҡорттар ҡоролтайы Башҡарма комитеты рәйесе урынбаҫары Флүза Ғайсина, Ырымбур өлкәһенең «Каруанһарай» башҡорттар ҡоролтайы Башҡарма комитеты рәйесе Рөстәм Ғәбитов, Татарстан Республикаһының Башҡорт милли-мәҙәни автономияһы Башҡарма комитеты рәйесе Фирҙәүес Бәширова, БР Мәғариф министрлығының баш белгесе Динә Шәрипова, халыҡ-ара һәм республика конкурстары лауреаты, Ш.Бабич исемендәге Дәүләт премияһы лауреаты Минлеғәфүр Зәйнетдинов, Бөтөн донъя башҡорттары ҡоролтайы Башҡарма комитетының Ватандаштар менән эшләү комиссияһы рәйесе урынбаҫары Римма Сөләймәнова, Бөтөн донъя башҡорттары ҡоролтайы Башҡарма комитетының төбәктәр менән хеҙмәттәшлек буйынса баш белгесе Азамат Сөләймәнов, шулай уҡ күрше төбәктәрҙән килеп Башҡортостан вуздарында уҡыған студенттар һәм Ғ. Әлмөхәмәтов исемендәге Республика гимназия-интернаты уҡыусылары ҡатнашты.

— Беҙҙең эштә ватандаштарыбыҙҙың мәғариф өлкәһендә, шулай уҡ башҡорт телен өйрәнеүгә ҡыҙыҡһыныуын белеү бик мөһим. Һеҙ 2011 йылда ҡайһы юғары һәм урта махсус уҡыу йорттарына уҡырға инергә мөмкин булыуын, уҡырға инеү ҡағиҙәләрен һәм быйыл Башҡортостан Республикаһынан ниндәй тәҡдимдәр буласағы, профессия йүнәлеше биреү эше үткәреләме-юҡмы һәм Башҡортостан мәғариф учреждениеларының эшмәкәрлеген яҡтыртыу буйынса берҙәм мәғлүмәт үҙәге ҡасан ойоштороласағы хаҡында белергә тейешһегеҙ , — тип билдәләне Азамат Сөләймәнов. – Беҙгә республикала белем алыусы балалар менән асыҡтан-асыҡ эскерһеҙ һөйләшеү бик мөһим.

Осрашыуҙа башҡорт милли мәҙәниәтен үҫтереүгә, мәғариф һәм мәҙәниәт өлкәһендә төбәктәр менән хеҙмәттәшлекте киңәйтеүгә йүнәлтелгән киң саралар ойоштороуға ҡағылышлы мәсьәләләр тикшерелде.

Осрашыу аҙағында Минлеғәфүур Зәйнетдинов ҡумыҙҙа уйнау буйынса оҫталыҡ класы үткәрҙе. Был милли музыкаль ҡоралда уйнау оҫтаһы башҡорт көйҙәрен уйнап ҡына ҡалманы, башҡорт ҡумыҙының тарихы тураһында ла һөйләне, төрлө халыҡтарҙың ҡумыҙҙарын да күрһәтте.

Азамат Сөләймәнов Бөтөн донъя башҡорттары ҡоролтайы Башҡарма комитеты исеменән осрашыуҙа ҡатнашыусыларҙың барыһына ла иҫтәлекккә бүләктәр тапшырҙы.

#рф төбәктәрендә башҡорттар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.