Дания илсеһе республика етәкселеген Рәсәй-Дания осрашыуына саҡырҙы

Дания Короллегенең Рәсәйҙәге Ғәҙәттән тыш һәм Тулы хоҡуҡлы илсеһе Том Рисдаль Йенсен Башҡортостан етәкселегенә 2011 йылдың мартында үтәсәк Иҡтисади хеҙмәттәшлек буйынса хөкүмәт-ара Рәсәй-Дания советының сираттағы сессияһында ҡатнашырға тәҡдим итте. Был турала ул журналистарға республика башлығы Рөстәм Хәмитов менән осрашыуҙан һуң хәбәр итте.

Йенсен әфәнденең һүҙҙәренә ҡарағанда, Совет составына бер нисә эшсе төркөм, шул иҫәптән энергетика буйынса ла, инә. Илсе, Дания менән Башҡортостан араһында энергияны һаҡлау өлкәһендә иҡтисади хеҙмәттәшлек тураһында бөгөнгө килешеүҙе иҫәпкә алып, Башҡортостандың Совет сессияһында ҡатнашыуы бик урынлы буласаҡ, тип иҫәпләй.

— Был сессияла энергетика мәсьәләләрен генә түгел, шулай уҡ башҡа йүнәлештәрҙә, мәҫәлән, ауыл хужалығында хеҙмәттәшлек перспективаларын да күтәрергә мөмкин буласаҡ, — тине Йенсен әфәнде. – Башҡортостан, моғайын, был өлкәлә партнерлыҡ менән дә ҡыҙыҡһыныр.

Илсе, беҙҙең республика территорияһында берлектәге производстволар төҙөүҙе яҡын араларҙа ентекле тикшереү планлаштырылды, тип билдәләне.

— Дания компаниялары Башҡортостан территорияһында инвестиция проекттарына средстволар һалырға әҙер. Был ике яҡ өсөн дә файҙалы буласаҡ, һеҙҙең төбәктә яңы эш урындары барлыҡҡа киләсәк, ә республика бюджеты яңы һалым керемдәре менән тулыланасаҡ, — тине илсе.

Автор:Евгений Рәхимҡолов

Теги:халыҡ-ара хеҙмәттәшлек

Читайте нас:

Рубрики

Электрон почта

inf@bashinform.ru

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

ok@bashinform.ru

© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Об использовании персональных данных

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».