81.14
-0.88
Башҡортостан һәм Өфө яңылыҡтары
92.22
-1.03
67.96
+2.11
23+ °C
Болотло
Бөтә яңылыҡтар
Сәйәсәт
25 Ғинуар 2011, 10:24
Башҡортостанда ҡазаға тарыусыларға ярҙам тураһында закон ҡабул ителәсәк
Башҡортостанда янғындан һәм башҡа төрлө ғәҙәттән тыш хәлдәрҙән зыян күреүселәргә ярҙам итеүгә йүнәлтелгән закон барлыҡҡа килергә тейеш. Республика башлығы Рөстәм Хәмитов ошондай инициатива менән сығыш яһаны. Президент әйтеүенсә, «Европа» сауҙа үҙәгендәге янғын унда ошондай закон кәрәклеге тураһында фекер уятты.
Янғын ваҡытында ике кеше һәләк булды. Кескәй балалар етем ҡалды, әсә берҙән-бер ҡыҙын юғалтты. Һәләк булыусыларҙың ғаиләләренә һәм башҡа зыян күреүселәргә компенсация түләнәсәк.
Әммә, Рөстәм Хәмитов билдәләүенсә, бөгөн проблеманы хәл итеү республикала янғындан йәки башҡа төрлө ғәҙәттән тыш хәлдәрҙән зыян күреүселәргә компенсация түләү тәртибен регламентлаған закон булмауына килеп терәлә. Шуға күрә бындай ярҙам ошондай хәлдәр килеп тыуғас ҡына күрһәтелә. Һәм уны барыһы ла алмай.
— Мин тейешле саралар федераль кимәлдә ҡабул ителеүен көтмәҫкә һәм бындай осраҡтарҙа ярҙам күрһәтеү тәртибен регламентлаған республика законын әҙерләргә тәҡдим итәм, — тине Рөстәм Хәмитов. – Бюджетта ошондай маҡсаттарға билдәле бер сумма һалынырға һәм бөтә зыян күреүселәргә компенсация күләме билдәләнергә тейеш.
Рөстәм Хәмитовтың һүҙҙәренә ҡарағанда, уның блогына йыш ҡына республиканың төрлө райондарынан янғындан зыян күреүселәр мөрәжәғәт итә. Улар муниципаль властарҙан ярҙам һорай, ләкин тегеләре, тейешле республика законы булмауға һылтанып, уларға ярҙам күрһәтеүҙән баш тарта. Тимәк, ундай закон барлыҡҡа килергә тейеш.
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».