Воскресенье, 19 Апреля 2026

Уфа

+8 °С

Главное Иҡтисад Йәмғиәт Үҙебеҙҙекеләрҙе ташламайбыҙ Мәҙәниәт Сәйәсәт Спорт Хәл-ваҡиғалар

|Последние новости

Главная/Сәйәсәт

07:14 (UTC+5), 11 Января 2011

Учалыла Боҙ аренаһы төҙөлгән

Евгений Рәхимҡолов | фото: Олег Яровиков

Учалы ҡалаһында Боҙ аренаһы төҙөлгән. Кесаҙна көндө Учалы районы буйынса эш сәфәре барышында был ҡоролманы Башҡортостан башлығы Рөстәм Хәмитов ҡарап сыҡты.

24 декабрҙән алып тест режимында эшләй башлаған арена профессиональ хоккей лигаһы матчтары һәм фигуралы шыуыу буйынса ярыштар үткәреүгә яраҡлы. Бынан тыш, был объектты көрәш һәм художестволы гимнастика буйынса ярыштар ойоштороу, күргәҙмәләр һәм байрам саралары үткәреү өсөн файҙаланыу планлаштырыла.

Аренаның майҙаны 30 метрға 60 метр. Ул иң күбендә - 200, тренировка ваҡытында 50-ләп кешене һыйҙыра ала. Ярыштарҙы трибунанан 1500 тамашасы ҡарай аласаҡ.

Боҙ майҙанының үҙенән тыш, комплекстың беренсе ҡатында универсаль спорт залы, кейем алмаштырыу бүлмәләре, медицина-аяҡҡа баҫтырыу үҙәге урынлашҡан. Икенсе ҡатта матбуғат үҙәге, спорт бары, боулинг бар.

Боҙ аренаһы проектын «Башкиргражданпроект» проект институты эшләгән. Заказсы-төҙөүсе булып сығыш яһаған Учалы тау-байыҡтырыу комбинаты аренаны ҡалаға тапшырған.

Боҙ аренаһын халыҡ өсөн рәсми рәүештә асыу март башына билдәләнгән. Әлегә бында профессиональ спортсылар ғына шөғөлләнә.

Республика Президенты боҙ аренаһында күргәндәренән ҡәнәғәт ҡалды. Ни бары душ кабиналарын ғына тәнҡитләп үтте. Уларҙы ҡорғанда хаталар ебәрелгән, һөҙөмтәлә кабиналар ҡыҫынҡы һәм уңайһыҙ килеп сыҡҡан, уларҙы ҡайтанан эшләмәгәндә, аренаға йөрөүселәргә “ҡыйыш кабиналарҙа” йыуынырға тура киләсәк.

1 из 14

#президент маршруттары

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.