Республика башлығы енәйәттәрҙе асыҡлауҙы арттырырға талап итте

Евгений Рәхимҡолов

Башҡортостан башлығы Рөстәм Хәмитов республиканың хоҡуҡ һаҡлау органдарын енәйәттәрҙе, беренсе сиратта, ауыр енәйәттәрҙе, асыҡлауҙы арттырырға саҡырҙы.

— Енәйәтселек проблемаһы төбәгебеҙҙә элеккесә бик киҫкен тора, — тине ул шаршамбы көнө БР Прокуратураһындағы кәңәшмәлә. – Быйыл 11 айҙа республикала 15 меңдән ашыу ауыр һәм айырыуса ауыр енәйәт яһалды. Был уҙған йылдың шул уҡ осорондағынан һигеҙ процентҡа кәмерәк булһа ла, беҙҙең статистика яҙмышы боҙолған был 15 мең кешенең береһен дә йыуатмай. Мин, республиканың хоҡуҡ һаҡлау органдары һәр кешенең именлеге өсөн яуаплы тип, тағы бер тапҡыр иҫкәртер инем.

Бөгөн, Рөстәм Хәмитов әйтеүенсә, Башҡортостанда теркәлгән енәйәттәрҙең һәр өсөнсөһө асылмайынса ҡала. Бынан тыш, вазифалы кешеләрҙең енәйәттәрен йәшереү кеүек кире тенденция урын ала. Ҡайһы берҙә хоҡуҡ һаҡлау органдары хеҙмәткәрҙәре енәйәтте асыҡлау урынына уны теркәүҙән баш тарталар.

— Ошо рәүешле эш итеүселәр ысынында иһә енәйәтте йәшереп, енәйәтселәргә булышлыҡ итәләр, — тине Президент. — Быйыл декабрҙә генә республика Прокуратураһы ошондай енәйәтте йәшереүҙең 40 фактын асыҡланы. Шуға күрә хоҡуҡ һаҡлау органдары етәкселегенә енәйәтте теркәүҙән баш тартҡан хеҙмәткәрҙәренә ҡарата ҡәтғи саралар күрергә кәрәк. Әгәр республикабыҙҙа тәртип урынлаштырмаһаҡ, иртәме-һуңмы беҙҙә лә Кущевский станицаһындағы кеүек хәлдәр килеп тыуыуы ихтимал.

#башҡортостан президенты #енәйәтселек

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.