Рөстәм Хәмитов — йылдың иң абруйлы 30 кешеһе исемлегендә

"Башинформ"

Башҡортостан Президенты Рөстәм Хәмитов “Валовый Внутренний Продукт” (“ВВП”) федераль журналы билдәләүенсә, йылдың иң абруйлы 30 кешеһе исемлегенә инде.

Уҙып барыусы йылдың һуңғы һанында иҡтисади баҫма абруйлы сәйәсмәндәр һәм чиновниктар рейтингын тәҡдим итте. Атап әйткәндә, был исемлекте федераль башҡарма власть вәкилдәре, Рәсәй Президенты Хакимиәтенең абруйлы кешеләре, төбәк башлыҡтары, эре дәүләт компаниялары етәкселәре һәм сәйәсмәндәр тәшкил итә. Шәхестәр 2010 йылдағы карьера ҡаҙаныштарына нигеҙләнеп һайлап алынған, журнал эксперттары асыҡ мәғлүмәткә һәм факттарға таянған.

«Урындағы юғары шәхестәр менән бәйләнеше булмаған «РусГидро» топ-менеджеры Рөстәм Хәмитовтың июлдә Башҡортостан башлығы итеп һайланыуы төбәктең элекке башлығы эшләгән осорҙа барлыҡҡа килгән федераль властар менән мөнәсәбәттәрҙәге көсөргәнешлелекте бөтөрөү мөмкинлеге бирҙе. Яңы Президент “үҙәк менән һуғыш”ты ҡәтғи тыйҙы. Шулай уҡ ул, Мортаза Рәхимов менән бәхәс арҡаһында төбәктән киткән бизнесмендарҙы ҡайтырға һәм эшмәкәрлеген дауам итергә саҡырып, Башҡортостанда эшлекле мөнәсәбәттәрҙе һауыҡтырҙы”, — тип яҙа “ВВП” журналы.

Рөстәм Хәмитов менән бер рәттән, йылдың 30 кешеһе рейтингында Рәсәй Президенты ярҙамсыһы Аркадий Дворкович, Рәсәй Президенты Хакимиәте етәксеһе Сергей Нарышкин, Рәсәй Президенты ҡарамағындағы Бала хоҡуҡтары буйынса вәкил Павел Астахов, Рәсәй Хөкүмәтенең беренсе вице-премьеры Виктор Зубков, Рәсәй Хөкүмәте вице-премьеры Сергей Иванов, Рәсәй Иҫәп палатаһы рәйесе Сергей Степашин, Рәсәй сәнәғәт һәм сауҙа министры Виктор Христенко, Рәсәй финанс министры Алексей Кудрин, Мәскәү мэры Сергей Собянин, Ростов өлкәһе хакимиәте башлығы Василий Голубев, Чечня Республикаһы Президенты Рамзан Ҡадиров, Татарстан Республикаһы Президенты Рөстәм Миңлеханов, Свердловск өлкәһе губернаторы Александр Мишарин, “Росатом” дәүләт корпорацияһы етәксеһе Сергей Кириенко һәм башҡалар бар.

#бр президенты

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.