Рөстәм Хәмитов менән Игорь Путин Өфөләге ҡайһы бер инвестпроекттарҙы тикшерҙе

"Башинформ"

Башҡортостанда «СургутТрубоПроводСтрой» компанияһы президенты Игорь Путин менән уның Директорҙар советы рәйесе Сергей Кошкин булып китте. Улар республика менән ҡайһы бер инвестиция проекттарын тормошҡа ашырыу майҙансығы булараҡ ҡыҙыҡһынды. Башҡортостан Президенты Рөстәм Хәмитов менән осрашыу барышында бизнесмендар Стәрлетамаҡта нефть-газ табыу комплексы объекттары төҙөү буйынса предприятиеның бэк-офисын асыуға ҡағылышлы пландары менән уртаҡлашты.

БР Президенты матбуғат хеҙмәте хәбәр итеүенсә, осрашыуҙа, компания Рәсәйҙең Төньяғында һәм Алыҫ Көнсығышта тормошҡа ашырылған проекттарға Башҡортостан торба үткәреү комплекстарынан тәжрибәле төҙөүселәрҙе йәлеп итергә ниәтләй, тип билдәләнде.

Өфөлә инвесторҙар ике – «Ашан» һәм аквапарк мегаүҙәген төҙөргә планлаштыра. Сергей Кошкин Өфө кеүек ҡалала әлегә тиклем бер аквапарк та булмауына сикһеҙ ғәжәпләнеүен белдерҙе. Бизнесмен фекеренсә, өфөлөләр ҡалала заманса һыу аттракциондары булдырыуға лайыҡ.

Рөстәм Хәмитов үрҙә әйтелгән башланғыстарҙы хупланы һәм, Башҡортостанда инвестиция проекттарын тормошҡа ашырыу өсөн бөтә уңайлы шарттар булдырыла, тип билдәләне. Президенттың һүҙҙәренә ҡарағанда, төбәккә инвестициялар менән килеүсе компанияларҙы яҡлау – республика өсөн иң мөһим бурыстарҙың береһе.

#путин #хәмитов #сәфәрҙәр #ашан #аквапарк

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.