Белорет үҙенең 250 йыллығына кәмендә миллиард һум аҡса аласаҡ

Евгений Рәхимҡолов | фото: Олег Яровиков

Белорет үҙенең 250 йыллығына кәмендә бер миллиард һум аҡса аласаҡ. Был турала Башҡортостан Президенты Рөстәм Хәмитов шәмбе, 18 декабрҙә, БР Хөкүмәте Президиумының Белорет районының социаль-иҡтисади үҫеш перспективаларына арналған күсмә ултырышында хәбәр итте.

Уның әйтеүенсә, был аҡсалар ҡаланы төҙөкләндереүгә һәм яңы социаль объекттар төҙөүгә тотоноласаҡ.

— Был эшкә һәм средстволарҙы үҙләштереүгә йыл ярым ваҡыт ҡала, — тине төбәк башлығы, — һәм мин 2012 йылдың июлендә, ҡала юбилейын үткәргән саҡта, ул бөтөнләй икенсе төҫ аласағына ышанам.

Рөстәм Хәмитовтың һүҙҙәренә ҡарағанда, республикала иң мөһим сәнәғәт үҙәктәренең береһе булып торған Белоретта байтаҡ проблемалар асыҡланды. Был эшһеҙлектең юғары кимәле, эш хаҡының уртаса республика күрһәткесенән ҡалышыуы (14600 һум, ә республика буйынса – 16500 һум), яңы торлаҡ индереү темптарының түбән булыуы – был күрһәткес буйынса Белорет Башҡортостанда 47-се урынды биләй.

— Шул уҡ ваҡытта һуңғы ваҡытта Белоретта һәм Белорет районында билдәле бер иҡтисади йәнлелек күҙәтелә, — тип билдәләне Президент. – Мәҫәлән, район тейәп оҙатылған продукция күләме буйынса алтынсы урынға, бәләкәй һәм урта эшҡыуарлыҡ субъекттары һаны буйынса һигеҙенсе урынға сыҡты.

Белореттың һәм райондың артабанғы үҫеше, Рөстәм Хәмитов фекеренсә, туранан-тура бындағы иң ҙур предприятие – Белорет металлургия комбинатына бәйләнгән.

— Ҡала үҙенә башҡа, ә комбинат үҙе башҡа йәшәргә тейеш түгел, — тине Президент. – Беҙ был мәсьәлә буйынса предприятие хужалары менән һөйләшеп килештек. Ләкин был райондың көнкүреше бер предприятиеға ғына бәйләнеп ҡалырға тейеш, тигән һүҙ түгел. Район ресурстарға бай, һәм уларҙы үҙләштереү өсөн инвесторҙар йәлеп итергә кәрәк. Был ҡаҙылма байлыҡтар запастары, урман, туризмды үҫтереү өсөн киң мөмкинлектәр биреүсе уникаль тәбиғәт ландшафттары.

1 из 2

#бр президентының эш сәфәрҙәре #ултырыштар #инвестициялар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.