Рөстәм Хәмитов: «Яғыулыҡ-энергетика комплексын һатыуҙан аҡсаны һөҙөмтәле файҙаланасаҡбыҙ»

"Башинформ"

Башҡортостан Президенты Рөстәм Хәмитов 29 ноябрҙә республика Хөкүмәтендәге оператив кәңәшмә барышында, төбәктә нефть сығарыу һәм нефть эшкәртеү предприятиеларын һатыуҙан алынған аҡсаға идара итеү көрсөгө еңеп сығылды, тип белдерҙе.

Республика яғыулыҡ-энергетика комплексы предприятиеларын һатыуҙан алынған аҡса тупланасаҡ Хәйриә фондының процент күләме Башҡортостан Хөкүмәтенә ҡала һәм райондарҙан бирелгән заявкалар нигеҙендә асыҡтан-асыҡ бүленәсәк.

"Әле Башҡортостандың нефть сығарыу һәм нефть эшкәртеү предприятиеларын һатыуҙан килгән ресурстар базаһында ойошторолған дүрт республика Хәйриә фондынан берҙәм структура – "Урал" хәйриә фонды ойошторола. Ете кешенән торған Фонд советына Башҡортостан Президентының 4-6 вәкиле инәсәк. Республиканың тәүге Президенты Мортаза Рәхимовтан фондҡа етәкселек итеүен һораным. Фонд средстволарын бүлеүҙең берҙәм сәйәсәтен тормошҡа ашырыу өсөн аҡса бүлеүгә барлыҡ заявкалар Башҡортостан Хөкүмәтендә хуплау үтәсәк. Республика үлсәмдәре буйынса фондта аҡса күп булмаһа ла (63 миллиард һум самаһы), беҙ уларҙы һөҙөмтәле файҙаланасаҡбыҙ", — тине Рөстәм Хәмитов.

Фонд аҡсаһын урынлаштырыуҙан алынған йыллыҡ процент килеме 4,5 миллиард һум тәшкил итеүе ихтимал. Йыл һайын шуның 2,5 миллиард һум самаһы – спортты, 1,5 миллиард һумы Башҡортостандың социаль инфраструктураһын үҫтереүгә йүнәлтеләсәк.

Фонд аҡсаһының һөҙөмтәле файҙаланылыуын Попечителлек советы күҙәтәсәк. Уға республика Президенты, Башҡортостан Хөкүмәте һәм йәмәғәт ойошмалы вәкилдәре инәсәк. Финанслауға тәҡдим ителгән проекттар асыҡтан-асыҡ һайлап алынасаҡ. Ҡануниәттә билдәләнгән тәртиптә фонд аҡсаһын файҙаланыу тураһында отчет биреләсәк һәм ул киң мәғлүмәт сараларында баҫылып сығасаҡ.

#бр президенты #бюджеттан тыш фондтар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.