Рөстәм Хәмитов: «Мине отчеттар түгел, тәғәйен эш ҡыҙыҡһындыра»

"Башинформ"

Муниципаль бюджеттарҙың республика ҡаҙнаһына бәйлелеген кәметеү, инвесторҙар эҙләү, административ ҡаршылыҡтарҙы бөтөрөү — муниципаль район һәм ҡала округтары етәкселәре менән осрашыу барышында Башҡортостан Президенты Рөстәм Хәмитов бына ошоларҙы хакимиәт башлыҡтары өсөн өҫтөнлөклө эш йүнәлештәре тип атаны.

— Башҡортостанда муниципаль звеноны үҙгәртеп ҡороу тамамланды, коллектив формалаштырылды, ошо составта республика именлеге хаҡына эшләйәсәгебеҙгә ышанам, — тине Рөстәм Хәмитов.

Республика Президенты һүҙҙәренә ҡарағанда, муниципаль район һәм ҡала округтары башлыҡтарына инвесторҙар йәлеп итеүҙә һәм юғарыла тороусы бюджеттарҙан, шулай уҡ бюджеттан тыш фондтарҙан аҡса алыуҙа ныҡышмалылыҡ күрһәтергә кәрәк.

— Район башлыҡтарының заявкалар менән Рәсәй Ауыл хужалығы, Сәнәғәт министрлыҡтарына һәм башҡа федераль министрлыҡтарға туранан-тура мөрәжәғат итеп, маҡсатлы программалар буйынса ресурстар алған осраҡтар бар. Һәм был хуплана ғына. Муниципаль берәмектәрҙе үҫтереү өсөн ресурстар йәлеп итеүгә бер ниндәй ҙә тыйыуҙар һәм сикләүҙәр юҡ, — тине Рөстәм Хәмитов.

Республика башлығы, шулай уҡ, барлыҡ муниципаль берәмектәрҙең үз биләмәһендә тупланған керемдәргә дәғүә итеү хоҡуғы булыуын билдәләп үтте. “Ҡыйынһынырға кәрәкмәй, тәҡдимдәр индереп, заявкалар биреп, үҙеңдекен талап итергә кәрәк. Һеҙ граждандарҙың именлеге өсөн яуап бирәһегеҙ”, — тине Рөстәм Хәмитов, ҡала һәм район башлыҡтарына мөрәжәғәт итеп.

Йыл аҙағына тиклем муниципалитеттарҙы үҫтереү стратегияһын әҙерләү тамамланырға тейеш. Был программаларҙың SWOT-анализы булған бер өлөшө, инвестиция проекттары исемлеге, хәүеф осраҡтарын анализлау Башҡортостан Президентына тәҡдим ителгән дә инде.

— Мине отчеттар түгел, кешеләрҙең көнкүрешен яҡшыртыуға йүнәлтелгән тәғәйен эш ҡыҙыҡһындыра. Хөкүмәт һәм муниципалитеттар өсөн өҫтөнлөклө йүнәлештәр — кешеләрҙе эш, хеҙмәт хаҡы, торлаҡ менән тәьмин итеү, — тине Рөстәм Хәмитов.

#башҡортостан президенты

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.