Четверг, 16 Апреля 2026

Уфа

+7 °С

Главное Иҡтисад Йәмғиәт Үҙебеҙҙекеләрҙе ташламайбыҙ Мәҙәниәт Сәйәсәт Спорт Хәл-ваҡиғалар

|Последние новости

Главная/Сәйәсәт

05:29 (UTC+5), 09 Ноября 2010

Иглин районы хакимиәте ревизорҙарҙы индермәне һәм журналистарҙы ҡыуҙы

«Башинформ» | фото: Олег Яровиков

Дүшәмбе, 8 ноябрҙә, Башҡортостандың Контроль-иҫәп палатаһы (КИП) рәйесе Салауат Харасов үҙе Иглин районы муниципаль районы хакимиәте башлығы вазифаһын башҡарыусы Геннадий Решетниковҡа планлы ревизия үткәреү өсөн документтарҙы алыуға запрос тапшырырға маташып ҡараны. Иглин хакимиәтенең эштәр менән идара итеүсеһе Валентина Куприянова КИП башлығын, ревизорҙарҙы, БР Дәүләт Йыйылышы депутаттарын бинаға үткәреүҙән ҡәтғи баш тартты. Был инде Иглин районы хакимиәтенең контроллек итеүсе органдарҙың закон нигеҙендә эш итеүенә тәүге тапҡыр ғына ҡаршы тороуы түгел. Хакимиәт бинаһы фойеһында оҙаҡ ҡына һөйләшеүҙәрҙән һуң район хакимиәте вазифаһын башҡарыусы КИП хеҙмәткәрен бинаға үткәрҙе, һәм документтарҙы теркәүгә өлгәшелде.

Салауат Харасов аңлатыуынса, «Башҡортостан Республикаһының Контроль-иҫәп палатаһы тураһында» БР Законына ярашлы, ревизорҙар хакимиәттә муниципаль бюджеттың 2009 йылда һәм 2010 йылдың уҙған осоронда үтәлешен планлы тикшереү үткәрергә тейеш ине.

Иглин хакимиәтендә документтарҙы ревизорҙарға биреүҙән баш тарттылар. Элек бында ҡолас йәйеп ҡаршы алған журналистарҙы ла вахтер ултырған урындан ары үткәрмәнеләр, уларҙы ревизорҙарҙың «һөрәнселәре» тип атап, заказ үтәүҙә ғәйепләнеләр. Киң мәғлүмәт саралары вәкилдәрен Иглин районы хакимиәте бинаһынан ҡыуып сығарыу өсөн шлем һәм бронежилеттар кейгән, Калашников автоматтары һәм резина суҡмарҙар менән ҡоралланған ведомствонан тыш һаҡ хеҙмәткәрҙәре йәлеп ителде.

КИП хеҙмәткәрҙәре әйтеүенсә, 2 ноябрҙә үк улар хакимиәт башлығы вазифаһын башҡарыусы Геннадий Решетников менән осрашҡан, ул район хакимиәте башлығы Ришат Исхаҡовтың эш урынында булмауы менән бәйле тикшереү үткәреүҙе кире ҡаҡҡан. 3 ноябрҙә район хакимиәте адресына, документтарҙы контроллек итеүсе органдарға тапшырыуҙың тәғәйен сроктарын билдәләп, запрос ебәрелә, улар ҙа әлеге көнгә тиклем үтәлмәгән. КИП вәкилдәре Иглин районы прокуратураһына мөрәжәғәт итте һәм был факт буйынса административ хоҡуҡ тәртибен боҙоу тураһында протокол төҙөлдө.

8 ноябрҙә Иглин ауылына тикшереү үткәреү тураһында кәрәкле документтарҙы туранан-тура тапшырыу өсөн КИП башлығы Салауат Харасов, БР Дәүләт Йыйылышы вәкилдәре килә.

Иглин районы муниципаль районы хакимиәтендәге сығанаҡ хәбәр итеүенсә, хакимиәт башлығы Ришат Исхаҡов, отпускыла булыуына ҡарамаҫтан, эш урынында булған һәм 8 ноябрҙә эш кәңәшмәһе үткәргән. Планлы тикшереү үткәрергә маташҡан ваҡытта хакимиәт бинаһында корпустарына инвентаризация номерҙары яҙылған компьютерҙарҙың системалы блоктарын ташыусы кешеләр үткеләп йөрөнө. Райондағы хәл менән таныш сығанаҡ хәбәр итеүенсә, байрам көндәре булыуға ҡарамаҫтан, район хакимиәте вәкилдәре эшләүен дауам иткән, хеҙмәткәрҙәрҙең күптәре эшкә саҡырып алынған һәм, ихтимал, контроллек итеүсе органдарҙы ҡыҙыҡһындырған документтар менән шөғөлләнгәндер.

1 из 20

#контроль-иҫәп палатаһы #иглин

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.