81.14
0
Башҡортостан һәм Өфө яңылыҡтары
92.22
0
67.96
+2.11
25+ °C
Болотло
Бөтә яңылыҡтар
Сәйәсәт
28 Октябрь 2010, 12:19
Силәбе өлкәһе башҡорттары үҙ мәҙәниәтенә ярҙам итеү планын билдәләне
Силәбе өлкәһе башҡорттары “Башҡорттар ҡоролтайы” Силәбе йәмәғәт ойошмаһы ултырышында үҙ милли мәҙәниәтен үҫтереү пландарын билдәләне. Ултырышта Бөтә донъя башҡорттары ҡоролтайы Башҡарма комитеты рәйесе Илгиз Солтанморатов, “Башҡорттар ҡоролтайы” Силәбе йәмәғәт ойошмаһы Башҡарма комитеты рәйесе Марсель Йосопов һәм ике йәмәғәт ойошмаһының да ағзалары ҡатнашты.
Марсель Йосопов Силәбе өлкәһе башҡорттары ҡоролтайының яңы эш йүнәлештәрен –өлкәнең дәүләт власы органдары менән үҙ-ара хеҙмәттәшлек һәм башҡорт йәмәғәт ойошмалары тормошонда иҡтисади яҡты үҫтереү – билдәләне. Ул шулай уҡ Башҡортостандың юғары һәм урта махсус уҡыу йорттарында Силәбе өлкәһенән абитуриенттар өсөн техник белгеслектәр буйынса квоталар һанын арттырыу тураһында тәҡдим дә индерҙе.
Илгиз Солтанморатов “Бөтә донъя башҡорттары ҡоролтайы” Халыҡ-ара йәмәғәт берләшмәләре союзының бурыстары һәм перспективалары хаҡында һөйләне. Ултырышта шулай уҡ “Башҡорттар ҡоролтайы” Силәбе йәмәғәт ойошмаһының һуңғы ярты йылдағы мәҙәниәт, мәғариф өлкәһендәге эш һөҙөмтәләре һәм уның “Берҙәм Рәсәй” партияһының төбәк бүлексәһе менән үҙ-ара хеҙмәттәшлеге тикшерелде.
Силәбе өлкәһе Башҡорт йәштәре иттифағы рәйесе Тимур Сафиуллин был ойошманың үҫеше йомғаҡтары һәм киләсәккә пландары тураһында һөйләне. Уның әйтеүенсә, Силәбе өлкәһе башҡорт йәштәре 2011 йылда эскелекте һәм тәмәке тартыуҙы иҫкәртеү, тирә-яҡ мөхитте һаҡлау буйынса саралар, Башҡортостан Республикаһының иҫтәлекле даталарына арналған автомобилдәр ярыштары һәм башҡа саралар үткәрергә планлаштыра.
Ултырыш сиктәрендә шулай уҡ “Башҡорттар ҡоролтайы” Силәбе йәмәғәт ойошмаһы Башҡарма комитетының рәсми сайтын презентациялау үткәрелде.
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».