Рөстәм Хәмитов: «Беҙ яңы форматта эшләй алмағандар менән хушлашабыҙ»

Башҡортостан Президенты Рөстәм Хәмитов яңы форматта эшләргә әҙер булмаған чиновниктарҙан арынырға ниәтләй. Был турала ул матбуғат кофенецияһында белдерҙе.

— Мин барыһын да емереп, нулдән башлаусыларҙан түгел, — тине Рөстәм Хәмитов. – Мин бөтә ресурстарҙы һәм мөмкинлектәрҙе рациональ файҙаланыуҙы өҫтөн күрәм. Республикала мин килгәнгә тиклем эшләгән элекке чиновниктар командаһында яҡшы белгестәр күп. Уларҙың күптәре инновацияларҙы ҡабул итергә әҙер, һәм, һис шикһеҙ, уларҙың белеме һәм тәжрибәһе республикаға артабан да кәрәк буласаҡ. Ләкин яңы форматта эшләргә әҙер булмаусылар, төбәктең үҫешен тотҡарлаусылар менән беҙ хушлашасаҡбыҙ. Бында үҙгәрештәр республика Хөкүмәте составында ла, шулай уҡ ҡала һәм район хакимиәт башлыҡтары араһында ла буласаҡ.