Коррупцияға ҡаршы эш буйынса йәмәғәтселек советы төҙөләсәк

Ольга Мортазина

Республика Хөкүмәтендә БР Коррупцияға ҡаршы комиссияһы ултырышы үтте. Сығыш яһаусыларҙың барыһы ла тиерлек ғәмәлдәге коррупцияға ҡаршы эштең һөҙөмтәһеҙлеге тураһында белдерҙе. БР ер һәм милек мөнәсәбәттәре министры Юлай Ильясов, элекке административ-хоҡуҡ нормаларынан арынырға кәрәк, тине. Рәсәй Прокуратураһы ҡарамағындағы тикшереү комитетының БР буйынса Тикшереү идаралығы етәксеһе Алексей Касьянов ведомство эсендәге йомшаҡ контролде коррупцияға килтереүсе төп фактор тип атаны.

— Граждандарҙың мәсьәләләрҙе ришүәт ярҙамында хәл итергә күнегеүе лә проблема булып тора, — тине Тикшереү идаралығы етәксеһе. — Бер ваҡыт беҙҙең хеҙмәткәрҙәребеҙ Салауат ҡалаһы башлығы урынбаҫарын енәйәт өҫтөндә тотто, ул дәфтәренә үҙенең бөтә “түләүселәрен” – кем, нимә өсөн һәм күпме уға бирергә тейешлеген тәфсилләп яҙып барған. Беҙ мөрәжәғәт иткән коммерсанттарҙың береһе лә уның өҫтөнән ғариза яҙырға теләмәне.

— Материалдар күбәйгәндән-күбәйә, бөтә ерҙә лә кешеләр түрәләрҙең урлашыуына зарлана, — тип йомғаҡ яһаны Башҡортостан Президенты Рөстәм Хәмитов. — Әгәр власта ултырыусылар үҙ проблемаларын еңел генә хәл итһә, ябай кешеләр коррупция алдында яҡлаусыһыҙ, көсһөҙ. Улар балаһын нисек итеп балалар баҡсаһына, мәктәпкә урынлаштырырға икән тип ҡайғыра. Чиновниктар үҙҙәре бер ҡасан да ришүәтселектең осо-ҡырыйына сыға алмаясаҡ. Коррупцияға ҡаршы комиссия составын ҡайтанан төҙөргә тәҡдим итәм. Партияларға, йәмәғәтселеккә һәм бизнес-берләшмәгә таянасаҡбыҙ. Улар бының нимә икәнлеген яҡшы белә, һәм беҙгә күп нәмә һөйләй аласаҡ. Бөгөн мин Президент ҡарамағында Йәмәғәтселек советы төҙөү тураһында Указға ҡул ҡуям. Ул чиновниктар структураларына буйһонмаясаҡ, һәм уны Контроль-иҫәп палатаһының элекке етәксеһе Петр Миронович Бобылев етәкләйәсәк. Уға сәйәси партиялар, йәмәғәт һәм милли ойошмалар вәкилдәре инәсәк.

— Ултырыш үҙенсәлекһеҙ үтте, — тине Президент, — миҫалдар аҙ. Киләһендә беҙ ноябрь аҙағынан да һуңға ҡалмайынса йыйыласаҡбыҙ һәм ултырышты яңы составта, яңы кешеләр, яңы маҡсаттар менән үткәрәсәкбеҙ.

1 из 12

#коррупция

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.