Рөстәм Хәмитов: «Башҡорт телен өйрәнергә тейештәр, ләкин көсләп түгел»

Евгений Рәхимҡолов

Башҡортостан мәктәптәрендә башҡорт телен мотлаҡ өйрәнергә тейештәр, ләкин кем өйрәнергә теләмәй, уны көсләп мәжбүр итергә тейеш түгелдәр. Республика Президенты Рөстәм Хәмитов "Газета.Ru" интернет-порталына интервьюһында ошондай фекерен белдерҙе.

Рөстәм Хәмитов иҫәпләүенсә, мәктәптәрҙә хәҙерге ваҡытта башҡорт телен өйрәнеүҙе кире ҡағыу тураһында мәсьәлә ҡуйыу бөтөнләй урынһыҙ, сөнки ул законға ҡаршы килә. Рус теле менән бер рәттән башҡорт теле Башҡортостан территорияһында дәүләт теле булып тора, ә дәүләт телдәре мотлаҡ өйрәнелергә тейеш.

Республика мәктәптәрендә башҡорт телен өйрәнеүҙе кире ҡағыу ихтималлығы хаҡында һүҙ алып барыусылар, Рөстәм Хәмитов фекеренсә, баштан уҡ һорауҙы дөрөҫ ҡуймай.

— Мин бындай формулировка менән килешә алмайым, — тине Президент. — Башҡорт телен Башҡортостан Республикаһы территорияһында һәр ваҡыт өйрәнәсәктәр. Иң элек, башҡорттар, иң элек, был телде өйрәнергә теләүсе кешеләр. Шул уҡ ваҡытта мин башҡорт телен көсләп уҡытыу булмаҫҡа тейешлеген дә аңлайым.

Теге йәки был телде өйрәнеүҙе кире ҡағыу хоҡуғына, Рөстәм Хәмитов фекеренсә, закон сығарыусылар эйә. Президенттан быны талап итеү – бөтөнләй мәғәнәһеҙ.

— БР Дәүләт Йыйылышы – Ҡоролтай был ҡатмарлы мәсьәләне өйрәнер һәм бер ни тиклем ваҡыттан һуң уның буйынса ниндәйҙер ҡарар ҡабул итер, моғайын, — тине Рөстәм Хәмитов. – Ләкин минең шәхси фекерем шундай: республикала башҡорт телен өйрәнергә кәрәк. Сөнки Ер шарында башҡорттар йәшәгән, Башҡортостан Республикаһы булған башҡа урын юҡ. Ә был предмет уҡытыусыларына уҡытыу сифатын яҡшыртырға, дәрестәрҙе ҡыҙыҡлыраҡ яһарға, ҡатмарлы грамматика, синтаксис, морфологиянан ҡасып, мәктәпте тамамлағас уҡыусы башҡорт телендә аралаша алһын өсөн, һөйләшеү теленә өйрәтеү вариантына күсергә кәрәк. Ләкин әгәр кеше башҡорт телен өйрәнергә теләмәй икән, уны мәжбүр итеү, был дәрескә ҡолағынан һөйрәп алып барыу дөрөҫ булмаясаҡ.

#рөстәм хәмитов

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.