Өфөлә халыҡ-ара Ислам конференцияһы тамамланды

Өфөлә барған 18 дәүләт вәкиле ҡатнашлығында «Волга-Урал төбәгендә Ислам цивилизацияһы» IV Халыҡ-ара симпозиумы үҙ эшен тамамланы.

Был конференция йомғаҡтары буйынса Башҡорт дәүләт университеты Р.Ф. Талипов етәкселегендә «Волга-Урал төбәгендә Ислам цивилизацияһы» исемле фәнни эштәр йыйынтығын сығарҙы. Йыйынтыҡта исламдың Волга-Урал төбәгендә этно-мәҙәни, тел һәм әҙәби-художество, белем биреү процестарына йоғонтоһо мәсьәләләре ҡарала. Симпозиумда ҡатнашыусылар, ислам Волга-Урал төбәге халыҡтарының ижтимағи-сәйәси һәм философик фекерен формалаштырыуға ғына түгел, шулай уҡ уларҙың матди мәҙәниәтенә ҙур йоғонто яһаны, тигән берҙәм һығымта яһаны. Хәҙерге тикшеренеүселәр Әхмәт-Зәки Вәлиди, Зәйнулла Рәсүлев, Риза Фәхретдинов кеүек күренекле дин әһелдәренең һәм ғалимдарының традицияларын дауам итә.