Башҡортостан һәм Өфө яңылыҡтары
58.1
0
56.48
0
86.71
-3.75
12+ °C
Болотло
Бөтә яңылыҡтар
Сәйәсәт
8 Октябрь 2010, 14:59

Башҡортостан татарҙары берләште

Башҡортостандың татар йәмәғәт ойошмалары «Башҡортостан татарҙары» Йәмәғәт берләшмәләре союзына берләшә. Был турала 8 октябрҙә «Башинформ» агентлығында үткән матбуғат конференцияһында «Ватаным» Бөтә Рәсәй коммерция булмаған партнерлығының Башҡортостан Республикаһындағы төбәк бүлексәһе рәйесе Раил Әсәҙуллин менән Башҡортостан Республикаһы татарҙарының Төбәк милли-мәҙәни автономияһы рәйесе Рәмил Бигнов хәбәр итте.
Рәмил Бигнов, Башҡортостанда хәҙер йәмғиәтте демократлаштырыу бара, тип билдәләне. Быға миҫал – татар йәмәғәт ойошмаларының берләшеү тураһында инициативаһын властар ыңғай ҡабул итте.
— Беҙ көрәшергә йыйынмайбыҙ, беҙҙең төп бурыс – республикала йәшәүсе бөтә халыҡты конструктив инновацион эшкә көйләү, – тине Раил Әсәҙуллин. Ул ҡасандыр халыҡтар дуҫлығы эталоны булып торған Дағстанда ислам хәрәкәте тирәләй йәйелдерелгән ваҡиғалар билдәле бер хәүеф тыуҙырыуын билдәләп үтте.
— Беҙ милләт-ара һәм конфессия-ара мөнәсәбәттәрҙе көйләүҙә ярҙам итергә тейешбеҙ, — тип һыҙыҡ өҫтөнә алды ул. — Республикала ижтимағи-сәйәси мөнәсәбәттәрҙе ҡайтанан ҡарау бара, һәм беҙ уға тап килергә тейешбеҙ.
Автор:Марина Шумилова
Читайте нас в