Башҡортостан һәм Өфө яңылыҡтары
58.45
+0.27
55.72
-0.27
89.01
-0.31
4+ °C
Болотло
Бөтә яңылыҡтар
Сәйәсәт
29 Сентябрь 2010, 15:16

Рөстәм Хәмитовҡа 200 резюме килде

Башҡортостан Президенты Рөстәм Хәмитовтың махсус почта йәшнигенә 200-ҙән ашыу резюме килде. Был турала төбәк башлығы бөгөн Конгресс-холда йәш журналистар менән осрашыу ваҡытында хәбәр итте.
— Әлегә мин уларға күҙ һалырға өлгөрәм, — тип тураһын әйтте Рөстәм Хәмитов. – Ләкин резюмелар һаны меңдән ашып китһә, өлгөрөрмөн микән, белмәйем.
Президентҡа резюмеларҙың күбеһе йәштәрҙән килә. Был, Рөстәм Хәмитовтың фекеренсә, беренсенән, йәштәрҙең эшкә бик мохтаж булыуы, икенсенән, уларҙың эшләргә һәм үҙҙәрен күрһәтергә теләүе тураһында һөйләй. Һәм был шатландыра.
Хәтерегеҙгә төшөрәбеҙ, БР Президенты Хакимиәтенә эшкә килергә теләүселәрҙән резюме ҡабул итеү буйынса махсус почта йәшниген Рөстәм Хәмитов 27 сентябрҙә асҡайны. Бындай ҡарарҙы ул республика халҡы «Тере журнал»да Рөстәм Хәмитов блогына үҙ резюмеларын күпләп ебәрә башлағандан һуң ҡабул итте. Резюмелар [email protected] адресы буйынса ҡабул ителә.
Автор:Евгений Рәхимҡолов
Читайте нас в