Өфөлә киң мәғлүмәт сараларының һайлауға дистанцион әҙерлеге дауам итә

Башҡортостан Республикаһының Үҙәк һайлау комиссияһында киң мәғлүмәт сараларының һайлауҙарға дистанцион әҙерлеге дауам итә. Икенсе дәрестең темалары - «Мәғлүмәт биреү һәм һайлау алды агитацияһы» һәм «Законһыҙ һайлау технологиялары менән көрәш», улар хаҡында Мәскәүҙән телекүпер аша Рәсәй Үҙәк һайлау комиссияһы ағзалары Майя Гришина һәм Игорь Борисов һөйләне. Лекцияларҙан һуң журналистар дәрес барышында тыуған бер нисә һорау буйынса фекер алышты.

Икенсе дәрестә БР Үҙәк һайлау комиссияһы секретары Елена Родина, БР Президенты Хакимиәте Ижтимағи-сәйәси үҫеш һәм мәғлүмәт сәйәсәте идаралығының бүлек мөдире урынбаҫары Гөлнур Ҡолһарина, БР Элемтә һәм киң коммуникациялар министрлығы, дәүләт матбуғат баҫмалары, «Башҡортостан» дәүләт телерадиокомпанияһы, муниципаль телестудиялар һәм сәйәси партияларҙың төбәк бүлексәләре вәкилдәре ҡатнашты.