Дәүләт хеҙмәткәрҙәре конфликттарын көйләү менән махсус комиссиялар шөғөлләнәсәк

Сергей Захаров

Башҡортостан Президенты «БР дәүләт граждандар хеҙмәткәрҙәренең эш урынындағы тәртибенә талаптарҙы күҙәтеү һәм мәнфәғәттәр бәхәсен көйләү буйынса комиссиялар тураһында» Указға ҡул ҡуйҙы.

Документ Рәсәйҙә коррупцияға ҡаршы көрәш мәсьәләләрен көйләүсе федераль закондарға ярашлы сығарылды.

Указ менән дәүләт органдарында төҙөлөргә тейешле комиссиялар тураһында Положение раҫланды, уларҙы формалаштырыу һәм эшмәкәрлеге тәртибе билдәләнде.

Комиссияларҙың төп тәғәйенләнеше — хеҙмәт тәртибенә ҡарата талаптарҙы һәм (йәки) дәүләт хеҙмәткәрҙәренә ҡарата мәнфәғәттәр бәхәсен көйләү тураһында талаптарҙы күҙәтеү менән бәйле мәсьәләләрҙе ҡарау.

Комиссияға рәйес етәкселек итә. Уның составына шулай уҡ рәйес урынбаҫары, секретарь, кадрҙар һәм юридик подразделениелар эше өсөн яуап биреүсе белгестәр, БР Президенты Хакимиәте, эшмәкәрлеге дәүләт хеҙмәте менән бәйле фәнни ойошмалар һәм урта, юғары, өҫтәмә профессиональ белем биреү учреждениелары вәкилдәре инә.

Бынан тыш, дәүләт органы етәксеһе комиссия составына ветерандар һәм профсоюз йәмәғәт ойошмалары вәкилдәрен индерә ала. Бында комиссияның бөтә ағзалары ҡарар ҡабул иткәндә тигеҙ хоҡуҡтарға эйә.

Положениеға ярашлы комиссия ултырышы хеҙмәт тәртибе тураһында мәсьәлә ҡаралған дәүләт хеҙмәткәренең үҙенең ҡатнашлығында үткәрелә.

Комиссияның мәжбүри йәки тәҡдим характерындағы бөтә ҡарарҙары йәшерен тауыш биреү юлы менән ҡабул ителә һәм протокол формаһында төҙөлә.

Дәүләт хеҙмәткәренең ғәмәлендә дисциплинар тәртип боҙоу билдәләре асыҡланған осраҡта был турала мәғлүмәт уға ҡарата яуаплылыҡ сараһын ҡулланыу тураһында мәсьәләне хәл итеү өсөн дәүләт органы етәксеһенә ебәрелә.

Әгәр инде административ йәки енәйәт хоҡуҡ тәртибен боҙоу менән бәйле етди эштәр асыҡланһа, комиссия рәйесе был мәғлүмәтте раҫлаусы документтар менән бергә хоҡуҡ ҡулланыу органдарына тапшырырға тейеш.

#дәүләт граждандар хеҙмәте #коррупция

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.