Саҡмағош ауылында балалар баҡсаһын реконструкциялау тамамланған

Эльмира Сабирова | фото: Олег Яровиков

Республика Президенты Рөстәм Хәмитов педагогтар кәңәшмәһе үткән көнбайыш райондар буйлап эш сәфәрендә йөрөнө. Август кәңәшмәһе сиктәрендә төбәк башлығы реконструкцияланған һәм яңынан төҙөлгән мәғариф учреждениеларын ҡараны.

Саҡмағош ауылында Рөстәм Хәмитов 5-се балалар баҡсаһында булды. 1992 йылда асылған мәктәпкәсә белем биреү учреждениеһы 180 балаға иҫәпләнгән, әммә әлеге мәлдә ата-әсәләр баҡсаға 260 баланы йөрөтә. Булған майҙандарҙың етәрлек кимәлдә булмауы арҡаһында балалар баҡсаһына һуңғы арала Балалар ижады үҙәге урынлашҡан бинаны бирергә ҡарар ителә. Шулай итеп, икенсе корпус арҡаһында балалар баҡсаһы бер аҙ иркенәйәсәк. Реконструкция тамамланғас, баҡсаға 80 бала киләсәк.

Республика башлығын районда балалар баҡсаһы урындары менән бәйле хәл ҡыҙыҡһындырҙы. Уға, әлеге ваҡытта 539 урынға ата-әсәләрҙән 545 ғариза бирелгән, тип яуап бирҙеләр. Район властары был проблеманы ведомстволарға бирелгән элекке балалар баҡсаларын кире ҡайтарыу һәм яңыларын төҙөү юлы менән хәл итергә йыйыныуҙарын әйтте.

Реконструкциялау барышында 5-се балалар баҡсаһы бинаһы танымаҫлыҡ булып үҙгәргән. Уйын, йоҡо һәм туалет бүлмәләре менән бөтә дүрт төркөм дә файҙаланыуға әҙер. Заказ буйынса эшләтелгән балалар мебеле сағыу һәм матур ғына түгел, хәүефһеҙ, уңайлы һәм ышаныслы ла. Рөстәм Хәмитов бындай сифатлы мебелдең ҡайҙа эшләнеүе менән ҡыҙыҡһынды, асыҡланыуынса — Башҡортостанда, Дүртөйлөлә икән. Үҙгәртеп ҡоролған бинала шулай уҡ процедуралар кабинеты һәм туҡланыу бүлеге лә урынлашҡан.

Рөстәм Хәмитов төркөмдәр бүлмәләрен ҡарап сыҡты, урынлашыу шарттары һәм туҡланыуҙы ойоштороу менән ҡыҙыҡһынды. Осрашыу аҙағында республика башлығы, бәләкәй балалар менән эшләүҙең еңелдәрҙән булмауын аңлап, балалар баҡсаһы коллективына уңышлы эш теләне.

1 из 10

#мәғариф #август кәңәшмәһе

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.