Башҡортостан Президенты Түбәнге Новгород өлкәһенән ҡайтҡан ҡотҡарыусылар менән осрашты

Сергей Захаров | фото: Олег Яровиков

12 августа Башҡортостан Президенты Рөстәм Хәмитов РФ Ғәҙәттән тыш хәлдәр министрлығының БР буйынса Баш идаралығы начальнигы Марат Мәһәҙиев һәм Түбәнге Новгород өлкәһендәге ҙур урман янғындарын һүндереүҙә ҡатнашҡан ҡотҡарыусылар менән осрашты.

Республика башлығы ғәҙәттән тыш хәлде бөтөрөү барышында күрһәткән батырлыҡ һәм ҡаһарманлыҡ өсөн янғын һүндереүселәргә рәхмәтен белдерҙе.

— Һеҙ ҡуйылған бурысты лайыҡлы үтәнегеҙ. Әммә иң мөһиме – иҫән һәм сәләмәт әйләнеп ҡайттығыҙ, — тип һыҙыҡ өҫтөнә алды Президент Янғынға ҡаршы федераль хеҙмәт подполковнигы Александр Лопухов, майор Константин Демьяненко һәм сержант Денис Ғилметдиновҡа мөрәжәғәт итеп.

Ҡотҡарыусылар Түбәнге Новгород өлкәһенең Выкса районында урынлашҡан ете ауылда янғын һүндереүҙә ҡатнашҡан.

Республика янғын һүндереү хеҙмәте начальнигы Александр Лопухов журналистарға биргән интервьюһында : «Командировканы йөҙ балға баһаларға мөмкин. Колонна тәғәйенләнгән пунктҡа ҡаршылыҡһыҙ барып етте. Килеп етеү менән личный состав (90-дан ашыу кеше) ут менән көрәшкә сыҡты, - тине офицер-ҡотҡарыусы.

— Беҙ булған арала урман ситендә урынлашҡан ике йорт янып бөттө. Әммә уларҙы һаҡлап алып ҡалыу мөмкинлеге юҡ ине».

Ғөмүмән, был командировка Ғәҙәттән тыш хәлдәр министрлығының Башҡортостан бүлексәһе өсөн тәүгеһе. Быға ҡәҙәр бындай ҙур төркөм республиканан бер ҡайҙа ла юлланғаны булманы.

— Урман янғындарын һүндереүҙә ҙур тәжрибә тупланыҡ. Был проблема беҙҙең төбәк өсөн дә үтә мөһим, сөнки уның территорияһының яртыһын тиерлек урмандар биләй. Башҡаларҙың хаталарында эш итергә өйрәнәбеҙ, — тип билдәләне Александр Лопухов.

Президент, янғын һүндереүселәр наградаһыҙ ҡалмаясаҡ, тип вәғәҙә бирҙе. Яҡын арала уларҙың барыһы ла республика кимәлендә билдәләнәсәк.

1 из 8

#бр президенты осрашыуҙары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.