Рөстәм Хәмитов Башҡортостан Хөкүмәтенең ултырышын үткәрҙе

БР Президентының матбуғат хеҙмәте

Бөгөн Башҡортостан Президенты Рөстәм Хәмитов республика Хөкүмәте ултырышын үткәрҙе.

Төбәк башлығы Хөкүмәттә булып үткән бер нисә кадрҙар үҙгәрешен әйтеп китте. Атап әйткәндә, Башҡортостан Хөкүмәте Аппараты етәксеһе вазифаһын башҡарыусы итеп Илшат Тажитдинов тәғәйенләнгән. Фәтих Ҡаҙаҡбаев Хөкүмәт Аппараты етәксеһе вазифаһынан үҙ теләге буйынса бушатылған. Рөстәм Хәмитов Фәтих Ҡаҙаҡбаевҡа күп йыллыҡ хеҙмәте өсөн рәхмәтен еткерҙе һәм уның тәжрибәһе һәм белеме республикала кәрәк буласағына өмөтөн белдерҙе.

Ултырышта Рөстәм Хәмитов тиҙ арала хәл итеүҙе талап иткән төп социаль-иҡтисади мәсьәләләргә туҡталды. Урман янғындары һәм ауыл хужалығында ҡоролоҡ менән бәйле хәлдәр тикшерелде. Башҡортостан Президентына ҡоролоҡтан иң ныҡ зыян күргән Урал аръяғы райондарына һәр яҡлап ярҙам күрһәтелеүе хаҡында хәбәр иттеләр. Республика ҡаҙнаһынан орлоҡ, мал аҙығы, яғыулыҡ-майлау материалдары һатып алыуға, ужым культураларын сәсеүҙе үткәреүгә финанс средстволар бүленгән.

Урман янғындары тураһында һөйләгәндә, Башҡортостан Президенты 31 июлдә район хакимиәте башлыҡтары менән үткән видеоселектор кәңәшмәһенән һуң янғындарҙы һүндереү һәм иҫкәртеү буйынса өҫтәмә саралар күрелеүен билдәләне. Был саралар үҙенең һөҙөмтәлелеген күрһәтте, тине Рөстәм Хәмитов.

Республика башлығы бер нисә район һәм ҡалала барлыҡҡа килгән он менән тәьмин итеүгә бәйле хәлдәргә айырым туҡталып аңлатма бирҙе. Президент урындарҙа ондоң етерлек запасы булдырылырға тейешлеген һыҙыҡ өҫтөнә алды.

Шулай уҡ Хөкүмәт ултырышында Рөстәм Хәмитов министрлыҡтарға һәм ведомстволарға ата-әсә ҡарауынан мәхрүм балаларҙы һәм етем балаларҙы торлаҡ менән тәьмин итеү буйынса эштәрҙе контролдә тоторға ҡушты. «Беҙ был балаларҙы ҡыйыҡһыҙ ҡалдыра алмайбыҙ. Беҙҙең бурыс – көсһөҙҙәргә ярҙам итеү», — тине Рөстәм Хәмитов.

Хөкүмәт ултырышында йәнә алданыусы торлаҡ төҙөлөшөндә өлөшләтә ҡатнашыусылар проблемаһы тикшерелде. Президент республиканың Төҙөлөш, архитектура һәм транспорт министрлығына һәм Өфө хакимиәтенә был мәсьәләне хәл итеүҙең бар варианттарын да әҙерләргә ҡушты.

1 из 2

#бр хөкүмәтендә

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.