Тимер юлсылар көнө менән!

“Башинформ”

Август айының тәүге йәкшәмбе көнөндә илдә Тимер юлсылар көнө билдәләнә. Ошо айҡанлы Башҡортостан Республикаһы Президенты Рөстәм Хәмитов тимер юл хеҙмәткәрҙәре һәм ветерандары исеменә ҡотлау ебәрҙе. Унда, атап әйткәндә, шулай тиелә:

«Йәмғиәттең һөҙөмтәле социаль-иҡтисади үҫеше тимер юлдарҙың тотороҡло эшләүенә тығыҙ бәйләнгән. Әүҙем камиллаштырыуҙы дауам итеп, инновацион технологияларҙы индереп, илдең ҡорос магистралдәре хәҙерге шарттарҙа ла транспорттың иң киң ҡулланылған һәм арзан төрҙәренең береһе булып ҡала.

Тимер юл транспортының тотороҡло эшләүе иҡтисады һәм социаль өлкәһе юғары үҫешкән беҙҙең республикабыҙ өсөн дә ҙур әһәмиәткә эйә. Тимер юл хеҙмәтләндереүҙәре менән Башҡортостан халыҡ хужалығының бөтә тармаҡтары файҙалана. Ташылған йөктәрҙең яртыһы тиерлек нефть продукттарына тура килә, байтаҡ өлөшө – химия сәнәғәте, агросәнәғәт комплексы продукцияһына. Урындағы йөк ағымдары менән бер рәттән республика аша ҙур күләмдә транзит йөктәре үтә.

Республиканың пассажирҙар һәм йөктәр ташыуҙа үҫә барыусы ихтыяждарын ышаныслы тәьмин итеп, тимер юл транспорты беҙҙең күрше төбәктәр һәм сит илдәр менән иҡтисади бәйләнештәребеҙҙе артабан киңәйтеүгә етди йоғонто яһай.

Пассажирҙарҙы имен йөрөтөү һәм йөктәрҙе өҙлөкһөҙ ташыу буйынса мөһим бурыстарҙы хәл итеп, тимер юлсылар үҙҙәренең ныҡышмалы һәм фиҙаҡәр хеҙмәте менән артабан да республиканың идара итеү структураһын, транспорт инфраструктураһын яҡшыртыуҙы, пассажирҙарҙы хеҙмәтләндереү сифатын күтәреүҙе тәьмин итәсәк, тип ышанам.

Һеҙгә һәм яҡындарығыҙға ныҡлы һаулыҡ, бәхет, тыуған Башҡортостаныбыҙ һәм бөтә Рәсәй именлеге хаҡына һөнәри эшмәкәрлегегеҙҙә артабанғы уңыштар теләйем!

Башҡортостан Республикаһы Президенты Р.Хәмитов».

1 из 2

#президент ҡотлауы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.