Диңгеҙ һәм йылға флоты хеҙмәткәрҙәре көнө менән!

“Башинформ”

Бөгөн Рәсәйҙә Диңгеҙ һәм йылға флоты хеҙмәткәрҙәре көнө билдәләнә. Ошо айҡанлы Башҡортостан Президенты Мортаза Рәхимов республиканың йылға флоты хеҙмәткәрҙәрен һәм ветерандарын һөнәри байрамдары менән ҡотланы. Ҡотлауҙа, атап әйткәндә, шулай тиелә:

«Һыу транспорты – республиканың транспорт комплексының мөһим өлөшө. Йылға флоты хеҙмәткәрҙәре иҡтисадты һәм социаль өлкәне, пассажирҙар ташыуҙы һәм туризм эшмәкәрлеген үҫтереүгә, Башҡортостандың Рәсәй төбәктәре һәм сит илдәр менән сауҙа-иҡтисади хеҙмәттәшлеген киңәйтеүгә тос өлөш индерә.

Һеҙҙең белемегеҙ һәм тәжрибәгеҙ һыу транспортын иҡтисадтың стратегик тармағы булараҡ үҫтереүҙе тәьмин итә. Ҡатмарлы шарттарҙа һеҙ, йыл һайын меңәрләгән пассажирҙар, йөҙәр мең тонна йөк ташып, руда булмаған төҙөлөш материалдары сығарып, яуаплы бурыстар үтәйһегеҙ.

Тармаҡ эшмәкәрлегенә, уның производство базаһын үҫтереүгә һәм камиллаштырыуға юғары квалификациялы кадрҙарһыҙ өлгәшеп булмай. Флот хеҙмәткәре булыу ул бөгөн – изге традицияларҙы һаҡлау һәм арттырыу, үҙ профессиональ оҫталығыңды даими камиллаштырыу тигән һүҙ. Капитандар һәм штурмандар, механиктар һәм мотористар, рулевойҙар, матростар һәм коктар, шкиперҙар һәм ремонтсылар, яр буйы хеҙмәткәрҙәре көндәлек вахтаны ышаныслы алып бара. Һеҙҙең яҡшы традицияларығыҙ, хеҙмәт династияларығыҙ киң билдәле.

Быйыл Еңеүҙең 65 йыллығында беҙ фронттарҙа һуғышҡан һәм тылда хеҙмәт иткән, һуғыштан һуңғы йылдарҙа тармаҡты аяҡҡа баҫтырған һәм нығытҡан Бөйөк Ватан һуғышы йылғасы-ветерандарына тәрән ихтирамыбыҙҙы белдерәбеҙ.

Республика йылғасылары бөгөн төҙөлөш һәм юл тармаҡтарын үҫтереүҙә мөһим роль уйнай, илдең башҡа төбәктәрендә эшләй. Суднолар экипаждары, флот һәм яр буйы хеҙмәттәре белгестәре, уларға хас юғары профессионализм, тәжрибә һәм яуаплылыҡ арҡаһында, артабан да Башҡортостандың һәм Рәсәйҙең социаль-иҡтисади үҫешенә лайыҡлы өлөш индерер, тип ышанам.

Һеҙгә ныҡлы һаулыҡ, именлек һәм бәхет, Ватаныбыҙ именлеге хаҡына көсөргәнешле хеҙмәтегеҙҙә уңыштар теләйем!

Башҡортостан Республикаһы Президенты М.Рәхимов».

#президент ҡотлауы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.