Селигерҙа йәштәр форумында Башҡортостандан ун йәш гвардиясы ҡатнашасаҡ

Бөгөн Селигер күлендә «Селигер-2010» йәштәр слеты асыла. Был юлы бында донъяның 80 иленән студенттар йыйылды. «Селигер»ҙа ете смена эшләйәсәк: «Халыҡ-ара» (сит ил кешеләре өсөн Рәсәйҙең йәлеп иткес образын булдырыу), «Артпарад» (ижади йәштәрҙе яҡлау), «Зворыкин проекты» (инновацион бизнесты үҫтереү), «Мәғлүмәт ағымы» (йәш журналистарҙы яҡлау һәм яңы киң мәғлүмәт саралары булдырыу), «Эшҡыуарлыҡ» (йәш эшҡыуарҙарға ярҙам), «Изгелек технологияһы» (волонтер эшмәкәрлеге), «Лидерлыҡ» (йәштәр менән эшләү буйынса белгестәр әҙерләү). Ләкин был йүнәлештәр менән генә сикләнмәйәсәктәр: Селигер ҡунаҡтары өсөн тиҫтәләгән белем биреү программалары үткәреләсәк. «Селигер-2010»дың бөтә башҡа форумдарҙан төп айырмаһы – унда үҙе һайлаған эшмәкәрлек өлкәһендә үҙен уңышлы күрһәтеүселәр генә ҡатнашыуында. Башҡортостандан форумда «Берҙәм Рәсәй Йәш Гвардияһы» төбәк бүлексәһенең ун активисы ҡатнаша.

Слеттың маҡсаты үҙгәрешһеҙ — талантлы йәштәрҙе эҙләп табыу, үҫтереү һәм яҡлау. Балалар менән аралашыу өсөн форумға дәүләт һәм йәмәғәт эшмәкәрҙәре, сәнғәт һәм бизнес йондоҙҙары киләсәк. Селигерҙа океан артынан да ҡунаҡтар көтәләр. Ҡушма Штаттарҙан, мәҫәлән, форумға Гарвард һәм башҡа абруйлы университеттар студенттары киләсәк. Улар өсөн ойоштороусылар хатта “өҫтөнлөктәр” ҙә әҙерләгән — әгәр ғәҙәттә палаткаларҙа дүртәр кеше йәшәһә, сит илдәрҙән килеүселәргә икешәр кеше йәшәргә рөхсәт итәсәктәр. Ләкин сит ил ҡунаҡтары өсөн иң мөһиме был түгел, әлбиттә, ә Рәсәйҙән үҙ тиҫтерҙәре менән тәжрибә уртаҡлашыу мөмкинлеге.

#йәмәғәт ойошмалары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.