2010 йылда хеҙмәт баҙарында көсөргәнешлекте кәметеү буйынса республика программаһына үҙгәрештәр индерелгән

2010 йылдың 21 июнендә Башҡортостан Республикаһы Президенты Мортаза Рәхимов үҙенең Указы менән 2010 йылда Башҡортостан республикаһының хеҙмәт баҙарында көсөргәнешлекте кәметеү буйынса өҫтәмә саралар программаһына үҙгәрештәр индерҙе.

Был программа Президент Указы менән 2009 йылдың 18 декабрендә ҡабул ителгән. Рәсәй Федерацияһы Хөкүмәтенең «2010 һәм 2011 йылдарҙа РФ субъекттары бюджеттарына федераль бюджеттан РФ субъекттарының хеҙмәт баҙарында көсөргәнешлекте кәметеүгә йүнәлтелгән өҫтәмә сараларҙы ғәмәлгә ашырыуға субсидиялар биреү тураһында» Ҡарарына ярашлы, республиканың хеҙмәт баҙарында көсөргәнешлекте кәметеү был документтың төп маҡсаты булып тора.

Указ ҡул ҡуйылған көндән көсөнә инде.