Медицина хеҙмәткәрҙәре көнө менән!

Был йәкшәмбе көнөндә илдә Медицина хеҙмәткәрҙәре көнө билдәләнә. Ошо айҡанлы Башҡортостан Республикаһы Президенты Мортаза Рәхимов һаулыҡ һаҡлау хеҙмәткәрҙәре исеменә ҡотлау ебәрҙе. Унда, атап әйткәндә, шулай тиелә:

«Һеҙгә һәр кешенең төп байлығын – уның һаулығын һәм ғүмерен һаҡлау өсөн ҙур яуаплылыҡ йөкмәтелгән. Һәм дауалау уңышы профессионализм менән генә түгел, һеҙгә хас юғары кешелеклелек менән дә билдәләнә. Һеҙҙең изгелегегеҙ һәм шәфҡәтлегегеҙ ауырыуға өмөт һәм көс бирә, сирен еңеп сығырға ярҙам итә.

Республикала һаулыҡ һаҡлауҙы үҫтереү һәр ваҡыт социаль сәйәсәттең төп йүнәлештәренең береһе булды. Беҙҙә иң мөһим норматив хоҡуҡи документтар ҡабул ителгән. Халыҡҡа медицина ярҙамы күрһәтеүҙең мөһим проблемаларын хәл итергә ярҙам итеүсе киң маҡсатлы программалар ғәмәлдә. Был мәсьәләләр республика Советының күсмә ултырыштарында ентекле ҡарала.

Тармаҡтың финанс тәьмин ителеше йылдан-йыл үҫә. Яңы дауалау учреждениелары төҙөлә, булғандары ремонтлана, уларҙы заманса медицина ҡорамалдары менән йыһазландырыу кимәле күтәрелә. Санатор-курорт системаһын үҫтереүгә ҙур иғтибар бирелә.

Һөҙөмтә булараҡ, халыҡтың һаулығын сағылдырыусы күрһәткестәр аҡрынлап яҡшыра, демографик хәл нормалләшә. Башҡортостан бөгөн илдең был өлкәлә имен параметрлы тәүге егерме төбәгенә инә.

Һеҙгә эш һөйөүсәнлегегеҙ, оҫта ҡулдарығыҙ һәм изге йөрәгегеҙ өсөн рәхмәт белдерәм. Ныҡлы һаулыҡ, именлек һәм бәхет, халыҡтың һаулығын һаҡлау эшендә яңы ҡаҙаныштар, тыуған Башҡортостаныбыҙ һәм бөтә Рәсәй именлеге хаҡына уңышлы хеҙмәт теләйем!

Башҡортостан Республикаһы Президенты М.Рәхимов».

Автор:“Башинформ”

Теги:президент ҡотлауы

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».