91.69
0
Башҡортостан һәм Өфө яңылыҡтары
98.56
0
83.59
+0.63
1+ °C
Болотло
Бөтә яңылыҡтар
Сәйәсәт
9 Июнь 2010, 11:34
Раил Сарбаев: Ураҙ ауылында янғындан ҡаза күргәндәрҙең барыһына ла бер ай ярым эсендә йорт күтәрергә кәрәк
Башҡортостан Хөкүмәте Премьер-министры Раил Сарбаев Учалы районы Ураҙ ауылында янғындан зыян күргәндәргә йорттарын һәм ихатаһын тергеҙеүгә средстволар бүлеү тураһында күрһәтмәһенә ҡул ҡуйҙы.
Көн элгәре Раил Сарбаев бәлә-ҡаза үткән урында булды. Хәтерегеҙгә төшөрәбеҙ, уҙған ял көндәрендә бында янғындан ун хужалыҡ юҡҡа сыҡҡан һәм 19 кеше йортһоҙ ҡалған, шуларҙың күбеһе пенсионерҙар һәм балалар. Бәхеткә күрә, һәләк булыусылар юҡ, әммә кешеләр йортһоҙ, мөлкәтһеҙ ҡалған.
Халыҡ менән аралашҡанда Премьер-министр тейешле ярҙам күрһәтеләсәк, һәм республика етәкселеге барыһын да контролдә тота, тип белдерҙе:
– Фажиғә булды, хәҙер нисек ярҙам итергә, нимә эшләргә - бергәләп хәл итергә кәрәк. Йәй аҙағына тиклем төҙөп бөтөрөп инер өсөн бер ай ярым эсендә йорттарҙы күтәрергә тырышырға кәрәк. Урындағы предприятиелар ҡаза күреүселәргә тейешле ярҙам күрһәтәсәк, тип килештек, - тине Раил Сарбаев.
БР Төҙөлөш, архитектура һәм транспорт министрлығына төҙөлөш эштәрен ойоштороуҙа һәм торлаҡ йорттар менән ихаталағы ҡаралтыны сафҡа индереүҙә булышлыҡ итергә ҡушылды.
Бынан тыш, мәктәп йәшендәге балаларға - һауыҡтырыу лагерҙарына, ә мәктәпкәсә йәштәгеләргә балалар шифаханаларында дауаланыуға бушлай путевка биреләсәк.
БР Хөкүмәтенең 2008 йылдың 25 мартындағы 88-се һанлы «Башҡортостан республикаһында граждандарға матди ярҙам күрһәтеү тураһында положениены раҫлау тураһындағы» ҡарарына ярашлы, республика ҡаза күргән һәр 35 кешегә 5 мең һум күләмендә матди ярҙам билдәләне. Түләүҙәр Ураҙ ауылындағы почта элемтәһе бүлексәһендә башҡарыла.
Раил Сарбаев, шулай уҡ, янғындан һаҡлаусы техниканы яңыртыу кәрәклеген билдәләне. Әлеге ваҡытта 1200 кеше йәшәгән (420-нән ашыу хужалыҡ) ауылдың янғын һаҡсылары яҡындағы малсылыҡ комплексының техникаһын ғына ҡуллана.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».