Пятница, 1 Мая 2026
|
Уфа
+11 °С
ГлавноеИҡтисадЙәмғиәтМәҙәниәтБарыһы ла Еңеү өсөнСәйәсәтСпортХәл-ваҡиғалар
|Последние новости
04:53 (UTC+5), 31 Мая 2010

Павловка ауылының янғында ҡаза күргән кешеләре яңы торлаҡ алды

Сергей Захаров, Эльвира Латыпова
Шәмбе көнө, 29 майҙа, Нуриман районының Павловка ауылында яңы 24 фатирлыҡ йортто файҙаланыуға тапшырыу тантанаһы үтте. Унда март айында янғын сығыу арҡаһында ҡазаға тарыған ғаиләләр йәшәйәсәк.
Өй туйлаусыларҙы ҡотларға Башҡортостан Президенты Мортаза Рәхимов килде. Сәфәрендә уны республиканың төҙөлөш, архитектура һәм транспорт министры Рауил Ибәтуллин оҙатып йөрөнө.
Хәтерегеҙгә төшөрәбеҙ, ул саҡта, 7 марттан 8-енә ҡарата төндә, янғын сығыу һөҙөмтәһендә күп фатирлы панель йорт янып юҡҡа сыҡҡайны. Кешеләр ҙә һәләк булғайны. Утты һүндереү барышында ҡотҡарыусылар 36 кешене, шул иҫәптән алты баланы уттан алып сыҡты. 1951 йылда төҙөлгән ҡоролма аяҡҡа баҫтырырлыҡ түгел ине. Республика етәкселеге кисекмәҫтән йорт-ҡаралтыһыҙ ҡалған кешеләргә ярҙам итергә ҡарар итте. 18 мартта уҡ яңы өс ҡатлы йортҡа нигеҙ ташы һалынды. Төҙөлөшкә аҡса республика бюджетынан бүленде – республика башлығының шәхсән бойороғо буйынса.
Йортто асыу тантанаһында сығыш яһап, Башҡортостан Президенты:
— Тормошта күңелһеҙ хәлдәр йыш була, ләкин республика бер ваҡытта ла үҙ граждандарын иғтибарһыҙ ҡалдырмай һәм һәр ваҡыт ярҙамға килә. Күп тапҡырҙар шулай булды – киләсәктә лә шулай буласаҡ, – тине.
Яңы йортта 6 ике бүлмәле һәм 18 бер бүлмәле фатир. Өй туйлаусыларға асҡыстар тапшырылған да инде, тиҙҙән күсенә башлаясаҡтар.
Нуриман районына эш сәфәре барышында Мортаза Рәхимов «Красный ключ» бәләкәй гидроэлектростанцияһына ла инде. Был Башҡортостандағы боронғо ГЭС-тарҙың береһе: ХХ быуат башында уҡ төҙөлгән. Гидроҡоролманы төҙөүҙә немец белгестәре ҡатнашҡан, бында «Сименс» фирмаһы ҡорамалдары ҡуйылған. Әле булһа ГЭС файҙаланыла һәм өҙлөкһөҙ эшләй.
1 из 12
#президент маршруты #төҙөлөш
Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:
© 1992-2026 АО ИА «Башинформ».
www.bashinform.ru
Рубрикалар
Йәмғиәт
Спорт
Иҡтисад
Хәл-ваҡиғалар
Мәҙәниәт
Мәғариф
Рубрикалар
Лонгрид
Сәйәсәт
Барыһы ла Еңеү өсөн
Үҙебеҙҙекеләрҙе ташламайбыҙ
Медицина
Форматтар
Яңылыҡтар
Мәҡәләләр
Адрес
450077, Өфө, Киров урамы, 45 (347) 250-05-07
Рекламная служба
(347) 250-11-11 adv@bashinform.ru
Редакция
(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән. 


Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.  

18+ 

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.

Яндекс.Метрика