1 июндә Башҡортостанда «Иң яҡшы муниципаль берәмек» конкурсы башлана

Марина Шумилова

1 июндә Башҡортостанда «Башҡортостан Республикаһының иң яҡшы муниципаль берәмеге» конкурсы башлана, унда 2009 йылдың 1 сентябренән 2010 йылдың 1 сентябренә тиклем эш һөҙөмтәләре буйынса иң яҡшы муниципалитеттар билдәләнәсәк. Урындағы үҙидараны үҫтереүгә, иң яҡшы муниципаль берәмектәрҙең ыңғай тәжрибәһен асыҡлауға һәм таратыуға, урындағы үҙидара өлкәһендә иң яҡшы белгестәрҙе яҡлауға йүнәлтелгән конкурсты «Башҡортостан Республикаһы муниципаль берәмектәре Советы» Ассоциацияһы ойоштора.

БР муниципаль берәмектәре Советы Идараһы тарафынан раҫланған конкурс тураһында Положениеға ярашлы, конкурс 23 номинация буйынса үткәрелә. Бынан алдағы конкурстар менән сағыштырғанда номинациялар исемлеге ярайһы уҡ киңәйтелде. Муниципалитеттар ярышында республиканың иң яҡшы муниципаль берәмектәре һәм урындағы властың бөтә кимәлдәрендә – муниципаль райондарҙа, ҡала округтарында, ҡала һәм ауыл биләмәләрендәге иң яҡшы хеҙмәткәрҙәр генә түгел, шулай уҡ муниципаль берәмектәрҙең иң яҡшы сайты, урындағы үҙидараның аяҡҡа баҫыуын иң яҡшы фәнни-методик сағылдырыу һәм хатта гражданлыҡ әүҙемлеген дәртләндереүҙең иң яҡшы практикаһы билдәләнәсәк. Киң мәғлүмәт саралары ла онотолмаған: конкурс һөҙөмтәләре буйынса иң яҡшы киң мәғлүмәт саралары һәм муниципаль реформа барышын яҡтыртыусы иң яҡшы журналистар аталасаҡ.

Ойоштороу комитетын «БР муниципаль берәмектәре Советы» Ассоциацияһы Идараһы рәйесе, Иглин районы муниципаль районы хакимиәте башлығы Ришат Исхаҡов етәкләне.

Конкурсҡа документтар 1 июндән 1 сентябргә тиклем ҡабул ителәсәк. Еңеүселәргә бүләктәр 2010 йылдың сентябрендә үтәсәк БР муниципаль берәмектәренең III съезында тапшырыласаҡ.

Ойоштороу комитетының бәйләнеш телефондары – (347) 250-00-38, факс – 250-07-91. Адресы: Өфө ҡалаһы, Туҡаев урамы, 46, каб.306.

#урындағы үҙидара #конкурстар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.