«Хәтер» акцияһында Өфө ветерандары әүҙемлек күрһәтте

Бөйөк Ватан һуғышы ветерандары һәм уларға тиңләштерелгән кешеләр 8-9 майҙа Өфөлә барған “Хәтер” акцияһы мөмкинлектәренән 22 меңдән ашыу осраҡта файҙаланған. Был турала бөгөн Өфө хакимиәтендәге оператив кәңәшмәлә ҡала башлығы Павел Качкаев хәбәр итте.

Акцияла ветерандарға ташламалар тәҡдим иткән ҡаланың 592 сауҙа һәм көнкүреш хеҙмәтләндереү предприятиеһы ҡатнашҡан. Павел Качкаев әйтеүенсә, һуғышта ҡатнашыусылар араһында эре сауҙа селтәрҙәре магазиндары ҙур һорау менән ҡулланған – уларҙа ветерандарға ташламалар биргән 14 мең осраҡ теркәлгән. Көнкүреш хеҙмәтләндереү предприятиелары менән яҡынса өс мең самаһы тапҡыр ташламалар бирелгән, бәләкәй магазиндарҙа – алты мең тапҡыр.