Өфөлә Хәрби парадты 770 ветеран ҡабул итәсәк

Евгений Рәхимҡолов

Өфөлә Бөйөк Ватан һуғышында Еңеүҙең 65 йыллығына арналған Хәрби парадты 770 самаһы ветеран ҡабул итәсәк. Уларҙан 500-ө тирәһе – Өфөлә йәшәүселәр, ҡалған 270 кеше – республиканың төрлө райондарынан. Был турала ҡала хакимиәте башлығы урынбаҫары Сынтимер Баязитов Өфө мэрияһында уҙған матбуғат конференцияһында хәбәр итте.

Сынтимер Баязитов шулай уҡ 9 майҙа Владимир Ленин исемендәге майҙанда үтәсәк байрам сценарийының ҡайһы бер мәлдәрен асып һалды. Мәҫәлән, 11 сәғәт 30 минутта бында ветерандарҙың осрашыуы үтәсәк. Сәғәт 12-лә майҙанға хәрби байраҡтар сығарыласаҡ. Ә инде 12 сәғәт 14 минутта ике ҙур экранда Рәсәй Президенты Дмитрий Медведевтың ҡотлауын трансляциялау башланасаҡ. Быйыл ул илдең күп ҙур ҡалаларында реаль ваҡыт режимында трансляцияланасаҡ.

12 сәғәт 21 минутта хәрби парад үҙе башланасаҡ, унда ике меңдән ашыу хәрби хеҙмәткәр ҡатнашасаҡ. Трибуналар алдынан тантаналы марш менән Өфө гарнизоны ғәскәрҙәре, республиканың көс структуралары подразделениелары, ветерандар ойошмалары һәм патриотик клубтар колонналары үтәсәк. Улар артынан Бөйөк Ватан һуғышы заманындағы ретро-техника һәм хәҙерге заман хәрби техникаһы парады үтәсәк. Сынтимер Баязитов әйтеүенсә, парадта Т-34 танкы ла ҡатнашасағы тураһында ҡарар ителде. Парадты ойоштороусылар, ул асфальт япмаға минималь зыян килтерер, тип ышана. Бынан тыш, Октябрь проспектының был участкаһында парад байрамынан һуң тағы бер ҡат асфальт йәйергә планлаштыралар.

Парадты тамамлап, майҙан өҫтөнән Еңеү көнө атрибутикаһы менән биҙәлгән вертолет осоп үтәсәк. Бынан һуң театрлаштырылған тамаша башланасаҡ, унда ике меңгә яҡын кеше ҡатнашасаҡ.

#еңеү көнө

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.